Mill Amazon və Whole Foods ilə əməkdaşlıq edərək qida tullantılarını biznesə çevirir

    Technote.az “Mashable” platformasına istinadən bildirir ki, ABŞ-də qida tullantılarının azaldılması üzrə fəaliyyət göstərən Mill startapı nəhəng pərakəndə şəbəkələr Amazon və Whole Foods ilə rəsmi əməkdaşlıq razılaşması əldə edib. Bu razılaşma Mill-in istehlakçılardan sonra kommersiya bazarına keçid planlarının mühüm mərhələsi hesab olunur.

    Mill-in həmtəsisçisi və CEO-su Matt Rogers-in sözlərinə görə, şirkət ilk gündən yalnız ev istifadəçiləri ilə kifayətlənməyi planlaşdırmayıb. 2027-ci ildən etibarən Whole Foods-un bütün mağazalarında Mill-in kommersiya ölçülü qida tullantısı qabları quraşdırılacaq. Bununla yanaşı, ağıllı qablar məlumat toplayaraq hansı məhsulların, nə səbəbdən israf edildiyini analiz edəcək. Bu, Whole Foods-a həm xərcləri azaltmaq, həm də gələcəkdə qida itkisini daha erkən mərhələdə qarşısını almaq imkanı verəcək. Rogers bildirir ki, məqsəd təkcə tullantıların idarə olunması deyil, ümumilikdə daha az qida israfına nail olmaqdır.

    Mill-in kommersiya uğurunda əsas rol oynayan məqamlardan biri süni intellekt texnologiyasıdır. Şirkətin inkişaf etdirdiyi AI sistemi müxtəlif sensorlar vasitəsilə zibil qabına atılan məhsulun əslində hələ satışda olub-olmamalı olduğunu müəyyən edə bilir. Rogers qeyd edir ki, müasir böyük dil modelləri (LLM) sayəsində bu texnologiya əvvəlki illərlə müqayisədə daha az mühəndis və daha qısa vaxtla hazırlanıb. Bu isə Mill-in məhsulunu sürətlə kommersiya səviyyəsinə çıxarmasına imkan verib.