Reklam
NASA James Webb teleskopunun ilk fotolarının nə zaman təqdim ediləcəyini elan edib

NASA James Webb teleskopunun ilk fotolarının nə zaman təqdim ediləcəyini elan edib

Süni zəka və Elm
02.06.2022 PAYLAŞIM

    James Webb kosmik teleskopunun kosmosa göndərilməsindən yarım il keçib. Kosmosa göndərildiyi andan 1 ay sonra sözügedən teleskopun bütün elmi alətlərinin ayarlanması prosesi reallaşdırılmışdı. Hətta teleskop vasitəsilə bir neçə test foto da çəkilmişdi. İndi isə NASA sonunda 10 milyard dollar dəyərində olan James Webb teleskopunun öz missiyası çərçivəsində ilk fotoları nə zaman təqdim edəcəyini açıqlayıb. Beləliklə NASA-nın verdiyi məlumata əsasən James Webb teleskopu ilk fotoları 12 iyul tarixində təqdim edəcək. Lakin teleskopun hansı kosmik obyektin və ya obyektlərin fotolarını təqdim edəcəyi barəsində məlumat verilməyib. Bu barədə məlumatı NASA gizli şəkildə saxlayır.

“James Webb-in ilk elmi fotoları onun güclü cihazlarının bütün güclərini sərgiləyəcək. Həmin fotolar sayəsində biz, bizləri gələcəkdə daha hansı inanılmaz fotoların gözlədiyini anlaya biləcəyik. Biz əminik ki, təqdim ediləcək fotolar təkcə astronomlarda deyil həmçinin planetin bütün insanlarında inanılmaz təəssüratlar yaradacaq” - deyə NASA qeyd edib.


    Hələ bir neçə müddət bundan öncə NASA bu teleskop vasitəsilə edilmiş test fotolarını təqdim etmişdi. Təqdim edilmiş test fotolardan birində Böyük Magellan Bulud qalaktikasının bir hissəsi əks edilmişdi. Bundan əlavə olaraq həmin foto ilə Spitzer adlı kosmik teleskop tərəfindən çəkilmiş eyni kosmik sahənin fotosu arasındakı müqayisə də təqdim edilmişdi. NASA bildirib ki, 12 iyul tarixində təqdim ediləcək fotolar teleskopun əsas elmi missiyasının başlamasından öncəki yekun yoxlanışından sonra çəkiləcək. Alimlərin sözlərinə əsasən onlar teleskopun bütün alətlərinin düzgün şəkildə çalışacaqlarına əmin olduqlarına baxmayaraq nəticədə teleskopun ilk elmi fotolarının necə görünəcəklərini təsəvvür belə edə bilmirlər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Ayda nüvə energetikası: NASA Yer kürəsinin peykində nüvə enerqosistemini yaratma..

NASA ABŞ Energetika Nazirliyi ilə birlikdə Ayda yerüstü nüvə enerqosisteminin yaradılması layihəsi ü..


Günəş səthində böyüməkdə davam edən nəhəng ləkə güclü partlayışa səbəb olacaq..

20 iyun tarixində Günəş səthində nəhəng ləkə əmələ gəlib. 21 iyun tarixində isə onun ölçüsü 2 dəfə b..


Məşhur fizik: 'İnsanlar Marsa 2040-cı illərdən tez yollana bilməyəcəklər'..

Məşhur ingilis fizik Brian Cox-un sözlərinə əsasən insanlar 2040-cı ilə kimi Marsa uçuş barəsində dü..


Kompüter modelləşdirməsi Venera atmosferində həyat növünün olmadığını göstərib..

2020-ci ilin sentyabr ayında bir qrup amerikalı alim Venera atmosferinin yuxarı laylarında fosfin ma..


Alimlər Yupiterin nəhəng ölçüsünün səbəbini təyin ediblər

NASA-nın Juno adlı kosmik aparatı sonunda Yupiter planetinin bulud örtüyünün daxilinə nəzər yetirməy..


Saatda 2.2 milyon km sürət: Süd Yolu qalaktikasının ən sürətli kosmik obyektləri..

Amerikalı astronomlar Süd Yolu qalaktikasının ən sürətli kosmik obyektlərindən birini kəşf ediblər...

×