NASA-nın Perseverance aparatı uğurla Mars səthinə eniş edib

NASA-nın Perseverance aparatı uğurla Mars səthinə eniş edib

Süni zəka və Elm
19.02.2021 PAYLAŞIM

    NASA agentliyi Perseverance adlı Mars aparatının missiyasının ilkin mərhələsini uğurla yekunlaşdırıb. Belə ki, gecə sözügedən aparat avtomatik rejimdə uğurla Mars səthinə eniş edə bilib. Eniş edəndən sonra isə o öz kameralarından biri vasitəsilə çəkilmiş ilk fotonu da Yer kürəsinə göndərib. Mars planetinin orbitinə çatandan sonra daxilində Perseverance aparatının olduğu eniş modulu planetin atmosferinə saatda 19.300 km sürətlə daxil olub. Sürətin azalmasından və mühərrikin ayrılmasından sonra avtomatik olaraq paraşüt sistemi işə düşüb.


    Daha sonra Sky Crane adlı xüsusi aparat vasitəsilə planetin səthindən 20 metr hündürlükdə Perseverance aparatı tros sistemi sayəsində səthə endirilib. Qeyd etmək lazımdır ki, Perseverance 23 ədəd kamera, naviqasiya sistemi və mütəxəssislərə Marsdakı səsli eşitməyə imkan verəcək 2 ədəd mikofon ilə təchiz olunub. Sözügedən missiya çərçivəsində Perseverance ilə birlikdə Marsa ilk dəfə olaraq Ingenuity adlı dron da göndərilib. Bu dronun ağırlığı 1.8 kq-dır və o məhz Marsın atmosferində rahat uçuş üçün nəzərdə tutulub.

    Yaxın bir neçə gün ərzində Perseverance Marsın ətraf ərazilərinin fotolarını çəkməklə, NASA mütəxəssisləri isə aparatın vəziyyətinin müşahidəsi ilə məşğul olacaqlar. Daha sonra isə aparat digər tapşırıqların yerinə yetirilməsi üçün yenilənmiş proqram təminatını əldə edəcək. Mars 2020 missiyasının əsas məqsədi qırmızı planetdə həyat növünün izlərini aşkar etməkdir. Missiya çərçivəsində həmçinin Marsın süxurları ilə atmosferi də müşahidə olunacaq. NASA-nın tarixində 5-ci Mars aparatı olan Perseverance-də olan xüsusi alətlər Mars süxurlarından nümunələrin götürülüb kosmik gəmiyə göndərilməsi imkanını verirlər. Daha sonra həmin nümunələr Yer kürəsinə tədqiqat üçün göndəriləcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Harvard Universiteti yadplanetli texnologiyaların axtarışı üçün Galileo adlı lay..

Tədqiqatçılardan ibarət beynəlxalq qrup Harvard Universitetinin astronomlarının rəhbərliyi altında G..


Alimlər: 'Hal hazırda iqlim özünü steroid qəbul etmiş idmançı kimi aparır'..

İsveçrədən olan alimlər aşkar ediblər ki, keçən il Sibirdə, bu il isə Kanadanın qərb hissəsində müşa..


NASA-nın, Yupiterin peyki ilə bağlı missiyasında SpaceX də iştirak edəcək..

NASA agentliyi 2024-cü ildə reallaşdırılması planlaşdırılan Europa Clipper adlı missiyasının həyata ..


Alimlər Mars planetinin daxili strukturunu öyrənə biliblər

NASA özünün InSight missiyasının 2 illik işindən sonra Mars planetinin daxili strukturunu öyrənə bil..


İqlim dəyişikliyi bir çox ölkənin balıqçılıq sahəsinə ciddi zərər vuracaq..

Əhalini balıqçılıq sayəsində qida ilə təmin edən ölkələrdə iqlim dəyşiklikləri balıqların saylarının..


Buludlar qlobal istiləşmə prosesini gücləndirəcəklər

Peyklər vasitəsilə əldə olunmuş fotoların yeni növ analizi buludların qlobal istiləşməyə təsirləri b..

×