NASA-nın, Yupiterin peyki ilə bağlı missiyasında SpaceX də iştirak edəcək

NASA-nın, Yupiterin peyki ilə bağlı missiyasında SpaceX də iştirak edəcək

Süni zəka və Elm
27.07.2021 PAYLAŞIM

    NASA agentliyi 2024-cü ildə reallaşdırılması planlaşdırılan Europa Clipper adlı missiyasının həyata keçirilməsi üçün SpaceX şirkətini seçib. Sözügedən missiya Yupiterin altıncı peyki olan Avropanın müşahidə olunması üçün nəzərdə tutulub. Həmin müşahidə üçün isə Europa Clipper adlı kosmik aparatdan istifadə olunacaq. NASA ilə SpaceX arasındakı razılığa əsasən kosmik aparatı kosmosa məhz Falcon Heavy ağır raketi çatdıracaq. Hər iki tərəf arasında bağlanmış müqavilənin dəyəri 178 milyon dollar təşkil edir.

    Europa Clipper aparatı nəticədə 45 dəfə Avropa ətrafında dövr etməli olacaq və 26 km məsafəyə eniş edəcək. Onun əsas məqsədi isə Avropa səthinin yüksək keyfiyyətli fotolarını çəkmək, onun buzdan ibarət olan qabığının xəritəsini yaratmaq, qabığın tərkibi ilə qalınlığını təyin etmək, buz örtüyünün altında yerləşən okeanın tərkibini və duzluluq səviyyəsini ölçməkdir. Aşağı orbit hesabına Europa Clipper aparatı su buxarlarının arasından uça biləcək. Həmin su buxarları Avropanın buzlu səthindən 100 km hündürlüyə ifraz olunur.


    Kosmik aparat is həmin su buxarını analiz edərək peykin daxilində yerləşən okeanda həyat növünün olub-olmadığını araşdıracaq. Qeyd etmək lazımdır ki, Yupiterin Avropa adlı peyki Günəş sistemində həyat növünün potensial mövcudluğuna namizəd olan ən ideal variantlardan biridir. Onun 100 km-ə çatan buzlu qabığının altında maye şəklində mövcud olan okean var. Həmin okean Yupiterin qravitasiyası hesabına donmur. Belə ki, Yupiterin qravitasiyası Avropanı sıxaraq və dartaraq onun daxilini qızdırır. Bu cür şəraitdə bakteriyalar kimi primitiv mikroorqanizmlər mövcud ola bilər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Perseverance aparatının Marsda əldə etdiyi süxur nümunələri həyat üçün münbit şə..

NASA-dan olan tədqiqatçılar bildiriblər ki, Perseverance aparatı tərəfindən yığılmış yeni Mars süxur..


Alimlər qalaktikamızın mərkəzinə yaxın qəribə radiosiqnal mənbəyi aşkar ediblər..

Alimlər Süd Yolu qalaktikasının mərkəzinə yaxın hissəsində sirli radiodalğa mənbəyi aşkar ediblər...


Tibb işçiləri dünya liderlərini iqlim dəyişikliyi ilə mübarizədə təcili tədbirlə..

Bütün dünya üzrə tibb sahəsini əhatə edən 200-ə yaxın jurnal iqlim dəyişikliyi ilə bağlı xüsusi məqa..


Məhkəmə qərarına əsasən süni zəka patentdə ixtiraçı kimi qeyd edilə bilməz..

ABŞ-ın Leonie Brinkema adlı federal məhkəmə hakiminin qərarı ilə mövcud olan qanunvericiliyə əsasən ..


Sony şirkəti Nobel mükafatını əldə edə biləcək süni zəka yaratmağı planlaşdırır..

Sony şirkətinin süni zəka tədqiqatları üzrə şöbəsinin rəhbəri Hiroaki Kitano Nobel mükafatını əldə e..


Alimlər Marsa uçuş üçün ən yaxşı zamanı təyin ediblər

Alimlərdən ibarət qrup kosmik uçuşları əhatə edən problemlərdən narahatdırlar. Kosmik radiasiyanın v..

×