Netflix süni intellektlə fərdiləşdirilmiş reklam sistemini test edir

    Technote.az “Engadget” platformasına istinadən bildirir ki, Netflix reklam dəstəkli abunə paketinin artıq aylıq 250 milyon aktiv istifadəçiyə sahib olduğunu açıqlayıb. Şirkət bu statistikaları keçirilən Upfront təqdimatı zamanı paylaşıb. Beləliklə platformanın reklamlı modeli son illərdə ən sürətli böyüyən xidmətlərdən birinə çevrilib.

    Müqayisə üçün qeyd edək ki, reklamlı paket 2024-cü ildə 70 milyon, 2025-ci ildə isə 94 milyon istifadəçiyə sahib idi. Hazırda isə bu göstərici 250 milyonu keçib. Bu artım əsasən istifadəçilərin daha sərfəli abunə seçimlərinə yönəlməsi ilə əlaqələndirilir. Çünki Netflix ilin əvvəlində bütün abunə paketlərinin qiymətini yenidən artırmışdı. Şirkət həmçinin bildirib ki, 2027-ci ildən etibarən reklamlı paket daha 15 ölkədə istifadəyə veriləcək. Siyahıya Avstriya, Belçika, Kolumbiya, Danimarka, İndoneziya, İrlandiya, Hollandiya, Yeni Zelandiya, Norveç, Peru, Filippin, Polşa, İsveç, İsveçrə və Tailand daxildir.

    Təqdimatda süni intellekt texnologiyalarına da xüsusi diqqət ayrılıb. Netflix hazırda istifadəçilərin izləmə davranışlarına uyğun olaraq fərdiləşdirilmiş reklam tezliyi və reklam məzmunu təqdim edən AI əsaslı reklam sistemini test edir. Yəni platforma gələcəkdə hər istifadəçiyə fərqli reklam təcrübəsi təqdim edə bilər.