Notion Anthropic modellərini müvəqqəti dayandırdı

    Notion şirkəti bu həftəsonu Anthropic-in süni intellekt modelləri ilə inteqrasiyasında yaranan qısamüddətli texniki problem səbəbindən bəzi xidmətlərini müvəqqəti olaraq məhdudlaşdırıb. Şirkət bazar günü səhər saatlarında açıqlama yayaraq bildirib ki, Anthropic-in Opus 4.7 və 4.8 modellərində performans problemləri müşahidə olunur. Bu isə Notion AI istifadəçilərinin həmin modellərdən istifadə zamanı daha çox xəta ilə qarşılaşmasına səbəb olub.

    Problemin təsirini azaltmaq məqsədilə Notion platformasında bütün Anthropic modellərinin istifadəsi müvəqqəti dayandırılıb. Şirkətin açıqlamasından sonra sosial şəbəkələrdə hadisə geniş müzakirə olunub və bəzi istifadəçilər bunu modellərin keyfiyyəti ilə əlaqələndiriblər. Notion-un məhsul rəhbəri Maks Şoninq bunun yanlış yanaşma olduğunu vurğulayıb. O bildirib ki, söhbət modellərin keyfiyyətindən deyil, qısamüddətli xidmət kəsintisindən gedir. Şoninqin sözlərinə görə, bu cür texniki problemlər Notion, GitHub, AWS və digər böyük platformalarda da zaman-zaman baş verir.

    Hadisədən təxminən 12 saat sonra Notion Anthropic modellərinə çıxışı yenidən bərpa etdiyini açıqlayıb. Anthropic şirkətinin nümayəndəsi də məsələ ilə bağlı bildirib ki, qısa müddətli infrastruktur problemi səbəbindən bir neçə Claude modelində xəta səviyyəsi yüksəlib. Şirkət problemin tam həll olunduğunu və xidmətlərin normal fəaliyyətə qayıtdığını qeyd edib.