Nvidia Hindistanda AI startaplarına erkən mərhələdən yatırım edir

    Technote.az “TechCrunch” platformasına istinadən bildirir ki, Nvidia Hindistanda süni intellekt startaplarına yönəlik strategiyasını daha erkən mərhələyə daşıyır. Şirkət artıq yalnız formalaşmış startaplarla deyil, hələ rəsmi olaraq qurulmamış ideya mərhələsində olan komandalarla da əməkdaşlıq etməyə başlayıb.

    Bu həftə Nvidia erkən mərhələli vençur fondu Activate ilə tərəfdaşlıq elan edib. 75 milyon dollarlıq ilk fondu ilə Activate 25–30 süni intellekt startapına yatırım etməyi planlaşdırır. Bu startaplar Nvidia-nın texniki ekspertlərinə və infrastrukturuna üstün çıxış əldə edəcəklər. Bu addım Hindistanda keçirilən AI Impact Summit çərçivəsində atılıb. Sammitdə OpenAI, Anthropic və Google kimi qlobal texnologiya şirkətləri də iştirak edib. Nvidia CEO-su Jensen Huang tədbirdə iştirak etməsə də, şirkəti yüksək səviyyəli nümayəndə heyəti təmsil edib. Hindistan hazırda ABŞ-dən kənarda ən sürətlə böyüyən AI tərtibatçı bazarlarından biridir. Nvidia üçün əsas məntiq sadədir:

    Startaplarla nə qədər tez əlaqə qurulsa, həmin şirkətlərin böyüdükcə Nvidia çiplərindən və hesablama platformalarından istifadə etmə ehtimalı bir o qədər yüksək olur. Activate-in qurucusu Aakrit Vaish bildirir ki, Nvidia ABŞ-də startaplarla daha erkən işləsə də, Hindistanda bu əlaqə indiyə qədər nisbətən zəif olub. Yeni əməkdaşlıq isə bu boşluğu doldurmağa hesablanıb.