OpenAI açıq mənbəli koda sahib layihələrə geri dönə bilər

     Bir neçə yeni məhsulu təqdim etdikdən sonra OpenAI şirkətinin mühəndisləri və rəhbərliyi, o cümlədən CEO-su Sam Altman, Reddit platformasında bir neçə sualı cavablandırıblar. Şirkət rəhbəri OpenAI şirkətinin açıq mənbəli koda sahib layihələrə yanaşmasını yenidən nəzərdən keçirməyə hazır olduğunu bildirib. Çinin DeepSeek startapının meydana çıxması OpenAI şirkətinin süni zəka sahəsindəki qlobal liderliyini sarsıdıb – hətta DeepSeek-in intellektual mülkiyyət oğurluğu ilə bağlı şübhələr də yaranıb. ChatGPT-nin yaradıcısı OpenAI, Vaşinqtonla əlaqələrini gücləndirməyə və süni zəka sahəsində tarixdə ən böyük maliyyələşdirmə raundlarından birinə zəmin yarada biləcək Stargate layihəsini həyata keçirməyə çalışır.

     Sam Altman etiraf edib ki, DeepSeek, OpenAI-nin süni zəka sahəsindəki liderliyini zəiflədib və açıq mənbəli koda sahib layihələrlə bağlı şirkətin mövqeyini tənqid edib. Onun fikrincə, OpenAI bu məsələdə "tarixin səhv tərəfində" yer alıb. Şirkət əvvəllər açıq mənbəli koda sahib süni zəka modelləri təqdim edirdi, lakin sonradan bu praktikadan imtina etdi. "Şəxsən mən hesab edirəm ki, açıq mənbə ilə bağlı fərqli bir strategiya hazırlamalıyıq. OpenAI daxilində bu baxışı hamı paylaşmır və bu, hazırda bizim üçün prioritet deyil. Gələcəkdə daha yaxşı süni zəka modellərini istifadəyə verəcəyik, lakin liderliyimiz əvvəlki illərlə müqayisədə azalacaq" -  deyə Sam Altman bildirib.

     OpenAI artıq aktual olmayan süni zəka modellərinin kodunu açıq şəkildə bölüşməyi düşünür. Bunu şirkətin məhsul direktoru Kevin Weil qeyd edib. DeepSeek-in təcrübəsi OpenAI şirkətini mövcud məhsulların işləmə mexanizmlərini daha şəffaf etməyə sövq edib. Məsələn, DeepSeek R1 qərar qəbul etmə prosesinin bütün ardıcıllığını göstərir, lakin OpenAI-nin o3-mini modeli bu məlumatları təqdim etmir. "Biz hazırda modellərin düşüncə prosesini daha geniş şəkildə nümayiş etdirməyə çalışırıq – bu xüsusiyyət çox tezliklə əlçatan olacaq. Ancaq bütün ardıcıllığı göstərmək istəmirik, çünki bu, rəqiblər üçün faydalı ola bilər. Bununla belə, biz bilirik ki, istifadəçilər (xüsusilə təcrübəli olanlar) bunu istəyir, ona görə də balanslı bir yanaşma tapacağıq" – deyə Weil bildirib.

     Altman və Weil, ChatGPT və digər modellərin yerləşdirildiyi platforma üçün qiymət artımı barədə yayılan şayiələri təkzib etməyə çalışıblar. Əksinə, OpenAI belə bir imkan olacağı təqdirdə xidmətin daha da ucuz olmasını istərdi. Bundan əvvəl Altman bildirmişdi ki, ChatGPT Pro abunəliyinin 200$ qiymətində olan ən bahalı versiyası OpenAI üçün zərərlə işləyir. Reddit istifadəçiləri ilə söhbət zamanı şirkət rəhbərləri qeyd ediblər ki, hesablama gücünün artması modellərin performansını və imkanlarını artırır – bu faktor OpenAI şirkətinin Stargate layihəsini başlatmasına səbəb olub.

     Altman-ın fikrincə, artıq süni zəkanıb rekursiv özünü təkmilləşdirmə mexanizmi də real görünür – bu, süni zəkanın insan müdaxiləsi olmadan öz səviyyəsini müstəqil şəkildə inkişaf etdirdiyi bir prosesdir. OpenAI şirkətinin özünü təkmilləşdirən və ya digər modellərinin nüvə silahlarının hazırlanmasında istifadə edilib-edilməyəcəyi ilə bağlı suala Kevin Weil belə cavab verib ki, şirkət hökumət orqanlarına güvənir. Onun sözlərinə görə, dövlət qurumlarında çalışan alimlər süni zəka sahəsində aparıcı ekspertlərdir və geniş eksperimental bazaya malik layihələrdə süni zəka cavablarından istifadə etmək ehtimalı çox azdır. Şirkət nümayəndələri digər mühüm suallara da cavab veriblər:

- Şirkətin məntiq yürüdə bilən o3 adlı yeni süni zəka modeli bir neçə həftədən çox, amma bir neçə aydan az müddətə istifadəyə veriləcək.

- Məntiq yürütmək bacarığına sahib olmayan GPT-5 flaqman süni zəka modelinin buraxılış tarixi isə hələ müəyyən edilməyib.

- DALL-E 3 şəkil generatoru artıq 2 ildən çoxdur ki, istifadəyə verilib və şirkət hazırda onun yeni versiyasını hazırlayır.

Mənbə: Techcrunch

Bənzər xəbərlər

Proqram Təminatı

O3-mini süni zəka modeli ChatGPT-nin bütün istifadəçiləri üçün istifadəyə verilib

OpenAI şirkətinin CEO-su Sam Altman 2 həftə bundan öncə yeni nəsil böyük dil modeli o3 mini-nin məntiq yürütmə qabiliyyətinə malik olacağını və bir neçə həftə ərzində istifadəyə veriləcəyini vəd etmişdi. Və sözünə əməl etdi – OpenAI o3-mini-ni həm ChatGPT-də, həm də API xidmətlərində istifadəyə buraxdı.

Süni İntellekt

Avropa Birliyi “qəbuledilməz risk” yaradan süni zəka sistemlərini tamamilə qadağan edib

Avropa Birliyi ölkələrində “Süni Zəka Qanunu”nun (AI Act) ilk tələbləri qüvvəyə minib. Bu, süni zəkanın istifadəsini tənzimləyən irimiqyaslı qanundur. Bu qanun 2024-cü ilin mart ayında Avropa Parlamenti tərəfindən təsdiqlənib və cəmiyyət üçün “qəbuledilməz risk” yaradan süni zəka sistemlərini qadağan edir.

Proqram Təminatı

Pentaqon, DeepSeek-i bloklamağa çalışır

Pentaqon Çin süni zəka çat-botu DeepSeek-in istifadəsini təcili dayandırmaq üçün addımlar atır. Buna səbəb ABŞ Müdafiə Nazirliyinin bəzi əməkdaşlarının öz iş kompüterlərini DeepSeek-in Çin serverlərinə qoşması və bunun milli təhlükəsizlik riski yaratmasıdır.

Süni İntellekt

Apple CEO-su Tim Cook: "DeepSeek innovativlik sərgiləyib"

Apple şirkətinin CEO-su Tim Cook, DeepSeek süni zəka modelini “səmərəliliyi artıran innovasiya” kimi qiymətləndirib. Bu barədə o, analitiklərlə keçirdiyi konfrans zamanı DeepSeek-in Apple biznesinə təsiri ilə bağlı suala cavab verərkən bildirib.

Süni İntellekt

Süni zəka yaradıcılığı müəllif hüquqları ilə qorunmur

Technote.az The Verge saytına istinadən xəbər verir ki, yalnız mətn göstərişlərindən istifadə edərək generativ süni zəka modelləri tərəfindən yaradılmış media kontenti ABŞ-ın mövcud müəllif hüquqları qanunu ilə qorunmur.