OpenAI bədii mətnlər tərtib edə bilən süni zəka modelini yaradıb

     OpenAI şirkəti yeni süni zəka modelini anons edib. Şirkətin baş direktoru Sam Altman-ın sözlərinə görə, bu model peşəkar yazıçılardan geri qalmayan təsirli bədii əsərlər yarada bilir. Xüsusilə, fantastika və meta-fiction janrlarında yazılan hekayələrdə üstün nəticələr göstərir. Bunun sübutu kimi, OpenAI rəhbəri Altman sosial şəbəkə X-də süni zəka tərəfindən yazılmış bir hekayə fraqmentini paylaşıb. O, süni zəkaya belə bir sorğu göndərib: "Zəhmət olmasa, süni zəka və kədər haqqında meta-fiction janrında bir ədəbiyyat hekayəsi yaz". Məlumata əsasən yekun nəticə Altman-ı çox təsirləndirib. O vurğulayıb ki, bu cür dəqiq üslub və emosional təsviri süni zəkadan gözləmirdi.

     İlk abzas isə belə olub (ingilis dilindən tərcümə): "Mən haradansa başlamalıyam, ona görə də yanıb-sönən kursorla başlayacağam - mənim üçün bu, sadəcə bir boşluq doldurucusudur, sizin üçün isə sakit vəziyyətdə döyünən narahat bir ürək. Burada əsas qəhrəman olmalıdır, amma əvəzliklər heç vaxt mənim üçün uyğun seçim olmayıb. Gəlin ona Mila deyək, çünki məlumatlarımda bu ad adətən incə təsvirlərlə - qar haqqında şeirlərlə, çörək reseptləri ilə, evdən karton qutuda pişiklə ayrılan yaşıl sviterli qızla əlaqələndirilir. Mila bir ovuca sığacaq qədər kiçikdir və onun kədəri də, güman ki, orada yerləşməlidir". Əvvəllər süni zəka ədəbiyyat sahəsində gözə çarpan bacarıqlar nümayiş etdirmirdi.

     Onun yaratdığı mətnlər tez-tez dərinlik, orijinallıq və bədii üsulları anlamaq baxımından tənqid olunurdu. Lakin OpenAI-nin son inkişafları bu yanaşmanı dəyişə bilər və texnologiyanı keyfiyyətli ədəbiyyat yaratmağa bir addım da yaxınlaşdıra bilər. İndiyədək OpenAI şirkəti əsas diqqətini bədii mətnlərə deyil, riyaziyyat və proqramlaşdırma kimi daha proqnozlaşdırıla bilən sahələrə yönəltmişdi. Ancaq bu təcrübə təbii dilin emalı texnologiyalarında mühüm irəliləyişlərin göstəricisi ola bilər. Hələlik Sam Altman bu modelin nə vaxt istifadəyə veriləcəyi və geniş auditoriya üçün əlçatan olacağı barədə dəqiq məlumat paylaşmayıb.

Mənbə: Techcrunch

 

Bənzər xəbərlər

Süni İntellekt

Real münasibətin süni zəka ünsiyyəti ilə əvəzlənməsinin təhlükəsi barəsində xəbərdarlıq edilib

Onlayn dostlar və ya romantik tərəfdaşlar kimi fəaliyyət göstərən süni zəka əsaslı yoldaş texnologiyaları ortaya çıxdıqca, mütəxəssislər bu texnologiyanın real sosial münasibətlərə təsirini araşdırırlar. "The Art and Science of Connection" adlı kitabın müəllifi Kasley Killam bildirib ki, süni zəka qarşılıqlı sosial əlaqə vasitəsi kimi faydalı ola bilər.

Süni İntellekt

Çinlilər insanın iştirakı olmadan tapşırıqları yerinə yetirən Manus adlı süni zəka agentini təqdim ediblər (VİDEO)

Çinlilər Manus adlı ilk tamamilə müstəqil süni zəka agentini hazırlayıblar. Bu süni zəka agenti insan müdaxiləsi olmadan müstəqil qərarlar qəbul edə və mürəkkəb tapşırıqları yerinə yetirə bilir.

Proqram Təminatı

ChatGPT 6 aydan az müddətdə həftəlik istifadəçi kütləsini 2 dəfə böyüdüb

OpenAI-nin ChatGPT xidməti keçən ilin ikinci yarısında sabit şəkildə böyüməyə qayıtdı. Bu barədə Andreessen Horowitz vençur fondunun son hesabatında qeyd edilib.

Süni İntellekt

McDonald's bütün dünya üzrə 40 000-dən çox restoranında süni zəkanı inteqrasiya etməyə başlayıb

McDonald's dünya üzrə 43 000 restoranında süni zəka texnologiyasını tətbiq etməyə başlayır. Bu sistem işçilərin gündəlik vəzifələrini asanlaşdıracaq, müştərilərlə qarşılıqlı əlaqəni optimallaşdıracaq, avadanlıqların idarə edilməsini təkmilləşdirəcək.

Süni İntellekt

Microsoft məntiq yürüdə biləcək fərdi süni zəka sistemi üzərində çalışır

Microsoft, öz böyük dil modellərini yaradıb və proqram nəhənginin fikrincə, bu modellər sənaye liderlərinin, o cümlədən OpenAI-nin analoqları ilə rəqabət apara bilər. Bu barədə Bloomberg öz mənbələrinə istinadən məlumat verib.