OpenAI CEO-su: "İndiki süni zəka həlləri GPT-5-in yanında əlverişsiz qalacaqlar"

Süni İntellekt

24.05.2024

Emil

OpenAI şirkətinin CEO-su Sam Altman bir neçə müddət bundan öncə vermiş olduğu müsahibəsində bildirdi ki, GPT-5 süni zəka modeli mövcud digər həlləri elə dərəcədə geridə qoyacaq ki, hətta GPT-4 də onun yanında bir qədər əlverişsiz qalacaq. OpenAI şirkəti GPT seriyasının növbəti nəsil süni zəka modelinin nə zaman istifadəyə veriləcəyi barəsində hələ heç bir məlumat verməyib. Lakin bunun baş verəcəyi zaman digər süni zəka modelləri kölgədə qalacaqlar. ChatGPT-nin istifadəyə verildiyi zamandan OpenAI şirkəti süni zəka sahəsinin aparıcı təmsilçilərindən birinə çevrilib. Həmin vaxtdan indiyənə kimi şirkət süni zəka əsaslı çoxlu sayda məhsul istifadəyə verib. Onlardan ən yenisi isə GPT-4o adlı süni zəka modelidir.

GPT-4o zəka səviyyəsi baxımından GPT-4 ilə eyni olsa da, o, mətn, foto və audio ilə çalışma mövzusunda daha geniş imkanları özündə birləşdirir. Hal-hazırda GPT-4o-nun imkanları adi istifadəçiləri sözün əsl mənasında təəccübləndirir. Lakin Sam Altman-ın fikrincə gələcəkdə istifadəyə veriləcək GPT-5-in yanında bütün bunlar heçnədir. Bir neçə müddət bundan öncə vermiş olduğu müsahibəsində Altman süni zəka sahəsindəki perspektivli texnologiyalar mövzusuna toxunaraq bildirib ki, yeni süni zəka modeli daha dərin düşüncə imkanlarını sərgiləməklə virtual beyni xatırlada bilər. Altman-ın fikrincə yeni nəsil süni zəka modelinin yanında GPT-4 bir qədər əlverişsiz görünəcək. Çünki yeni nəsil süni zəka modeli daha güclü, funksional və zəkalı olacaq. Altman həmçinin əmindir ki, GPT-5 nəticədə ümumi süni zəkanın (AGI) formalaşması yolunda vacib addım olacaq.

Paylaş

Bənzər xəbərlər

GPT-4o-nun təqdimatından sonra ChatGPT istifadəçi kütləsi mövzusunda yeni rekorda imza atıb

OpenAI şirkəti bir neçə müddət bundan öncə GPT-4o adlı yeni süni zəka modelini təqdim etdi.

meshur-aktrisa-chatgpt-deki-sesin-oz-sesi-oldugunu-iddia-edib

Sosial Media

Məşhur aktrisa ChatGPT-dəki səsin öz səsi olduğunu iddia edib!

OpenAI tərəfindən süni intellekt səsləndirməsi üçün məşhur aktrisa Scarlett Johansson-un səsindən istifadə edilməsi iddiası sosial mediada gündəmə səbəb olub.

apple-ve-openai-sirketleri-wwdc-2024-cercivesinde-birge-sekilde-boyuk-elana-hazirlasirlar

Proqram Təminatı

Apple və OpenAI şirkətləri WWDC 2024 çərçivəsində birgə şəkildə böyük elana hazırlaşırlar

10 iyun tarixində Apple şirkətinin tərtibatçılar üçün nəzərdə tutulmuş WWDC 2024 konfransı start götürəcək.

openai-novbeti-guclu-suni-zeka-modeli-olan-gpt-4o-nu-teqdim-edib-video

Süni İntellekt

OpenAI növbəti güclü süni zəka modeli olan GPT-4o-nu təqdim edib (VİDEO)

OpenAI şirkəti keçirtmiş olduğu xüsusi tədbir çərçivəsində GPT-4o adlı yeni güclü generativ süni zəka modelini təqdim edib. Təqdim edilmiş bu yeni güclü süni zəka modeli yaxın həftələr ərzində ChatGPT-yə və şirkətin digər məhsullarına inteqrasiya ediləcək.

apple-ios-18-de-chatgpt-nin-istifadesi-movzusunda-openai-ile-raziliga-gelib

Proqram Təminatı

Apple iOS 18-də ChatGPT-nin istifadəsi mövzusunda OpenAI ilə razılığa gəlib

Apple şirkəti gələn ay keçiriləcək WWDC 2024 konfransı çərçivəsində süni zəka funksiyalarına sahib iOS 18 əməliyyat sistemini təqdim edəcək.

Ən çox oxunanlar