Logo
    main-post-cover

    OpenAI yaxın zamanda məntiqi düşünməyə sahib açıq mənbəli yeni süni zəka modelini istifadəyə verəcək

    Süni İntellekt
    01.04.2025
    Emil
         Yaxın aylarda OpenAI süni zəkaya əsaslanan açıq mənbəli böyük dil modelini təqdim etməyi planlaşdırır - bu, GPT-2-dən bəri ilk belə model olacaq. Bu barədə şirkətin saytında yerləşdirilmiş xüsusi səhifədə qeyd olunub. Həmin səhifədə “tərtibatçılar, tədqiqatçılar və ümumi ictimaiyyət” üçün doldurula bilən forma da yerləşdirilib. “Sizə bu modeli mümkün qədər faydalı etmək üçün tərtibatçılar, tədqiqatçılar və ictimaiyyətlə əməkdaşlıq etməkdən məmnunuq. Əgər OpenAI komandası ilə rəy paylaşmaqda maraqlısınızsa, bunu aşağıdakı formadan istifadə edərək bizə bildirin” - deyə OpenAI saytında qeyd olunub. Şirkət eyni zamanda rəy toplamaq və modelin prototiplərini göstərmək üçün müxtəlif tədbirlər də keçirməyi planlaşdırır.
         İlk tədbir bir neçə həftə ərzində San-Fransiskoda baş tutacaq, daha sonra isə Avropa və Asiya-Sakit okean regionlarında görüşlər keçiriləcək. OpenAI getdikcə daha fəal şəkildə, o cümlədən Çin şirkəti DeepSeek kimi rəqiblərin təqdim etdikləri açıq mənbəli süni zəka modellərinin hücumlarını dəf etməli olur. Rəqib şirkətlər bu sistemləri həm təcrübələr, həm də kommersiya məqsədləri üçün ictimaiyyətin istifadəsinə açıq şəkildə təqdim edirlər. Meta da Llama model ailəsinin hazırlanmasına böyük vəsait yatırıb - mart ayında bu modellər 1 milyarddan çox yüklənmə sayı əldə edib. DeepSeek isə qısa zamanda böyük istifadəçi bazası toplayıb.
         “Şəxsən mən hesab edirəm ki, açıq mənbə məsələsinə fərqli yanaşma formalaşdırmalıyıq. OpenAI daxilində bu fikri hamı paylaşmır və bu, hazırda bizim üçün prioritet deyil. Gələcəkdə biz daha güclü modellər təqdim edəcəyik, amma liderliyimiz əvvəlki illərlə müqayisədə daha az olacaq” - deyə OpenAI-nin rəhbəri Sam Altman daha əvvəl bildirib. Altman 1 gün əvvəl X sosial şəbəkəsində bildirib ki, yeni açıq mənbəli model məntiqi düşünmə funksiyasını dəstəkləyəcək. Şirkət bu modelin təqdimatından əvvəl kommersiya modelləri üçün nəzərdə tutulan bütün standart yoxlamaları, eləcə də əlavə testləri həyata keçirəcək. Bu, onunla bağlıdır ki, model yayımlandıqdan sonra istifadəçilər onu özləri təkmilləşdirməyə başlayacaqlar. Altman-ın fikrincə, bu modeli əsasən iri şirkətlər və hökumət qurumları istifadə edəcək.
    Mənbə: Techcrunch
    Paylaş
    Bənzər xəbərlər
    chatgpt-nin-son-gunler-meshur-foto-tertibati-funksiyasi-hami-ucun-istifadeye
    Proqram Təminatı

    ChatGPT-nin məşhur foto tərtibatı funksiyası hamı üçün istifadəyə verilib

    OpenAI-nin böyük dil modeli GPT-4o əsasında işləyən yeni təsvir tərtibatı funksiyası artıq bütün istifadəçilər üçün əlçatandır. Bu barədə OpenAI-nin baş direktoru Sam Altman, X sosial şəbəkəsindəki səhifəsində yazıb.
    openai-40-milyard-dollar-investisiya-elde-edib
    Tech-Biznes

    OpenAI 40 milyard dollar investisiya əldə edib

    Növbəti maliyyələşdirmə raundu çərçivəsində OpenAI, SoftBank-ın başçılıq etdiyi investorlar qrupundan 40 milyard dollar investisiya cəlb edib - süni zəka tərtibatçısı 300 milyard dollar dəyərində qiymətləndirilib.
    amazon-suni-zeka-agenti-nova-act-i-teqdim-edib
    Süni İntellekt

    Amazon süni zəka agenti Nova Act-ı təqdim edib

    Amazon universal süni zəka agenti olan Nova Act-ı təqdim edib. Bu süni zəka agenti veb-brauzeri idarə edə və bəzi sadə əməliyyatları müstəqil şəkildə yerinə yetirə bilir.
    boyuk-dil-modelleri-umumi-suni-zeka-ucun-manee-ola-biler
    Süni İntellekt

    Böyük dil modelləri ümumi süni zəka üçün maneə ola bilər

    475 aparıcı süni zəka mütəxəssisi arasında aparılmış sorğunun nəticələrinə görə, onların 76%-i hesab edir ki, böyük dil modellərinin ölçüsünün artırılması insan səviyyəsində öyrənmə qabiliyyətinə malik ümumi süni zəkanın (AGI) yaradılmasına böyük ehtimalla gətirib çıxarmayacaq.
    microsoft-oz-guclu-suni-zekasini-yaratmaq-ideyasini-nezerden-kecirir
    Süni İntellekt

    Microsoft öz güclü süni zəkasını yaratmaq ideyasını nəzərdən keçirir

    OpenAI-nin ən böyük investoru olan Microsoft şirkəti indiyədək əsasən böyük dil modellərinin və ChatGPT çat-botunun imkanlarına güvənirdi. Lakin şirkətin baş direktoru Satya Nadella gələcəkdə Microsoft-un öz məhsuldar süni zəka sistemlərini yaratma ehtimalını da istisna etmədiyini bildirib.