Preply yeni investisiya raundu ilə unicorn statusu qazandı

    Technote.az “TechCrunch” platformasına istinadən bildirir ki, dil öyrənmə platforması Preply yeni investisiya mərhələsi ilə “unicorn” statusu qazanıb. Şirkət $ 150 milyon dəyərində Series D investisiya cəlb etdikdən sonra ümumi dəyəri $ 1,2 milyard olaraq qiymətləndirilib. 14 ildir fəaliyyət göstərən Preply-nin əvvəlki investorları arasında Horizon Capital, Hoxton Ventures, Owl Ventures və Techstars Berlin yer alır.

    2013-cü ildən bəri dil öyrənənləri müəllimlərlə bir araya gətirən platforma son 12 ay ərzində EBITDA baxımından mənfəətli olub. Eyni zamanda, Preply süni intellekt texnologiyalarını aktiv şəkildə inteqrasiya edərək 100 mindən çox müəllimi dəstəkləməyi və qlobal miqyasda böyüməyi hədəfləyir.

    Şirkətin CEO-su Kirill Bigai bildirib ki, Preply süni intellekti müəllimləri əvəz etmək üçün deyil, onların işini gücləndirmək üçün istifadə edir. AI artıq dərs xülasələrinin hazırlanması, ev tapşırıqlarının verilməsi və tələbələrin ehtiyaclarına uyğun müəllim seçimi kimi sahələrdə tətbiq olunur. Bigai-nin sözlərinə görə, gələcək təhsil modeli “insan yönümlü, lakin süni intellektlə gücləndirilmiş” olacaq.