Qara dəliklər kvant özəlliklərə sahib ola bilərlər

Qara dəliklər kvant özəlliklərə sahib ola bilərlər

Süni zəka və Elm
03.11.2022 PAYLAŞIM

    Kvinslend Universitetinin fiziklərinin aparmış olduqları kompüter modelləşdirməsi nəzəri cəhətdən qara dəliklərdə kvant özəlliklərinin olduğunu əsaslandırıb. Bunun üçün alimlər qara dəliyin asan hesablanan və ayrılmaz özəlliyi olan kütlədən istifadə ediblər. Beləliklə qara dəliyin kütləsindən istifadə edərək alimlər nəzəri olaraq əsaslandırıblar ki, qara dəlik eyni anda milyonlarla Günəş kimi ağır və atom kimi yüngül ola bilər. Bu bir növ Şredingerin pişiyi əfsanəvi nəzəri təcrübəyə bənzəyir.

    Qara dəliklərin müxtəlif kütlələrə sahib ola biləcəkləri üzrə fərziyyə ilk dəfə fizik Jacob Bekenstein tərəfindən irəli sürülmüşdü. Aparılmış yeni tədqiqat isə Bekenstein tərəfindən irəli sürülmüş fərziyyəni müəyyən mənada təsdiqləyir. Belə ki, riyazi nöqteyi nəzərdən qara dəliklər həqiqətən də eyni anda müxtəlif kütlələr diapazonuna sahib ola bilərlər. “Biz, qara dəliklərin eyni anda müxtəlif kütlələrə sahib ola bilib-bilməyəcəklərini aydınlaşdırmaq istəyirdik. Məlum olub ki, bu həqiqətən də mümkündür. Biz, indiyənə kimi qara dəliklərin, kvant fizikasının qəribə özəlliklərini sərgiləyib-sərgiləmədiklərini dərindən araşdırmamışıq” - deyə yeni tədqiqatın müəllifi Joshua Foo qeyd edib.


    Əgər qara dəliklər kütlə mövzusunda kvant özəlliklərə sahibdirlərsə, deməli onlar digər faktorlar üzrə də bu cür özəlliklər sərgiləyə bilərlər. Bu, çox vacib bir məqamdır. Belə ki, biz indiyənə kimi əmin idik ki, kvant mexanikasını özündə birləşdirən subatom hissəciklər dünyası ilə bizim öz ətrafımızda bu və ya digər üsulla müşahidə etdiyimiz ənənəvi dünya kəsişə bilməz. Lakin məlum olub ki, riyazi nöqteyi nəzərdən makro obyektlər eyni anda həm ölü həm canlı ola, kvant dolaşıqlığını yarada və kvant teleportasiyasını sərgiləyə bilərlər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Uğurlu karyera və parlaq gələcəyə əmin addımlarla!

Azercell-dən SOS Uşaq Kəndləri yetirmələrinin məşğulluğuna dəstək


Çin nüvə reaktoruna sahib Ay bazası inşa etməyi planlaşdırır

Çin Ayın incələnməsi və kəşfiyyatı mövzusunda ABŞ-dan geri qalmaq niyyətində deyil.


Orion kosmik gəmisi Artemis-1 missiyası çərçivəsində növbəti rekorduna imza atıb..

Keçən həftənin sonunda Orion kosmik gəmisi Artemis-1 missiyası çərçivəsində növbəti rekorduna imza a..


NASA: ‘İnsanlar artıq bu onilliyin sonuna kimi Ayda daimi şəkildə məskunlaşa bil..

NASA-nın Artemis adlı Ay proqramına rəhbərlik edən mütəxəssis Howard Hu-nun sözlərinə əsasən insanla..


Meta-nın elmi süni zəka sistemi istifadəyə veriləndən 48 saat sonra deaktiv edil..

Meta şirkətinin Meta AI şöbəsinin mühəndisləri Galactica adlı süni zəka sistemini yaradıblar...

×