Real münasibətin süni zəka ünsiyyəti ilə əvəzlənməsinin təhlükəsi barəsində xəbərdarlıq edilib

     Onlayn dostlar və ya romantik tərəfdaşlar kimi fəaliyyət göstərən süni zəka əsaslı yoldaş texnologiyaları ortaya çıxdıqca, mütəxəssislər bu texnologiyanın real sosial münasibətlərə təsirini araşdırırlar. "The Art and Science of Connection" adlı kitabın müəllifi Kasley Killam bildirib ki, süni zəka qarşılıqlı sosial əlaqə vasitəsi kimi faydalı ola bilər. Lakin bu texnologiya şəxsi münasibətlərimizi və real dünyadakı sosial əlaqələrimizi tamamilə əvəz etməməlidir. Onun əsas funksiyası real münasibətləri gücləndirmək və dəstəkləmək olmalıdır. Cümə günü SXSW konfransında çıxış etmiş sosial sağlamlıq eksperti və Harvard İctimai Sağlamlıq Məktəbinin məzunu, süni zəkanın insanların sosial bacarıqlarını inkişaf etdirə biləcəyinə skeptik yanaşdığını bildirib.

     O vurğulayıb ki, süni zəka şirkətləri öz süni zəka köməkçilərini sosial bacarıqları təkmilləşdirmək və real dünyada ünsiyyətə hazırlaşmaq vasitəsi kimi reklam edirlər. "Bəlkə də bu doğrudur" - deyə o bildirib, lakin eyni zamanda süni zəkanın real insan münasibətlərini əvəz etməməsi barədə xəbərdarlıq edib. Killam əlavə edib: "Mən istəyirəm ki, insanlar sosial mühitdə özlərini rahat hiss etsinlər və bu bacarıqları real həyatda tətbiq edə bilsinlər. Əgər biz bu bacarıqları məktəblərdə öyrədib, gündəlik həyatda tətbiq etməyə başlasaq, bu, həyat üçün faydalı alətlərdən birinə çevrilə bilər".

Kasley Killam:

     Müəllif kitab üzərində işləyərkən aşkar edib ki, artıq yüz milyonlarla insan süni zəkanı dost, sevgili, həyat yoldaşı və ya romantik tərəfdaş kimi istifadə edir. Appfigures analitik şirkətinin aparmış olduğu son araşdırmaya görə, 2024-cü ildə süni zəka əsaslı mobil tətbiqlərin gəliri ötən illə müqayisədə 652%-dən çox artıb. Bu tətbiqlər il ərzində istehlakçılardan 55 milyon dollar gəlir əldə ediblər. Keçən il ABŞ bu cür tətbiqlər üçün ən böyük bazar olub. ABŞ istehlakçı xərclərinin 30.5%-i bu kateqoriyaya aid olub. Killem bu mövzuda qarışıq hisslər keçirdiyini bildirib.

     "Bir tərəfdən narahatam ki, biz elə bir mədəniyyət yaratmışıq ki, insanlar ünsiyyət üçün süni zəkaya müraciət etməyə ehtiyac hiss edirlər. Bu, düşündürücüdür. Digər tərəfdən, əgər bu, şəxsi münasibətlərimizin bir tamamlayıcısıdırsa… bəlkə də bu, müsbət bir şey ola bilər". Killem razılaşır ki, ChatGPT kimi süni zəka çat-botları bəzən faydalı ola bilər. Lakin o bu alətlərin sosial sağlamlığı qorumaq üçün “arsenalımızın bir hissəsi” kimi istifadə edilməli olduğunu vurğulayır. Onlar real münasibətlərin əvəzedicisi olmamalıdır. "Sosial sağlamlığın əsas prinsiplərindən biri, məlumatı tək bir mənbədən deyil, müxtəlif mənbələrdən almağın vacibliyidir" - deyə Killam bildirib.

     "Siz yalnız romantik partnyorunuzla ünsiyyət qurmursunuz. Dostlarınız var, həmkarlarınızla danışırsınız, barista ilə söhbət edirsiniz və digər insanlarla qarşılıqlı əlaqədə olursunuz. Əgər süni zəka bu mənbələrdən yalnız biridirsə, bu, problem deyil. Lakin süni zəka ünsiyyət üçün yeganə və ya əsas mənbəyə çevriləndə, problem yaranır". Killam həmçinin texnologiyanın sosial sağlamlığa təsir etdiyi digər sahələrə də toxunub. O, texnologiyanın təkliyə qarşı mübarizədəki rolunu, "məşğulluq mədəniyyəti"ni və insanların vaxt keçirmək üçün sosial şəbəkələrə baxması, media izləməsi və dinləməsi əvəzinə bir-biri ilə ünsiyyətdən uzaqlaşmasını qeyd edib. Onun tövsiyəsi: Boş vaxtınızda dərhal texnologiyaya yönəlmək əvəzinə, bəzən dostlarınıza zəng etmək və ya mesaj yazmaq yaxşı olar.

Mənbə: Techcrunch

Bənzər xəbərlər

Süni İntellekt

Çinlilər insanın iştirakı olmadan tapşırıqları yerinə yetirən Manus adlı süni zəka agentini təqdim ediblər (VİDEO)

Çinlilər Manus adlı ilk tamamilə müstəqil süni zəka agentini hazırlayıblar. Bu süni zəka agenti insan müdaxiləsi olmadan müstəqil qərarlar qəbul edə və mürəkkəb tapşırıqları yerinə yetirə bilir.

Süni İntellekt

McDonald's bütün dünya üzrə 40 000-dən çox restoranında süni zəkanı inteqrasiya etməyə başlayıb

McDonald's dünya üzrə 43 000 restoranında süni zəka texnologiyasını tətbiq etməyə başlayır. Bu sistem işçilərin gündəlik vəzifələrini asanlaşdıracaq, müştərilərlə qarşılıqlı əlaqəni optimallaşdıracaq, avadanlıqların idarə edilməsini təkmilləşdirəcək.

Süni İntellekt

Microsoft məntiq yürüdə biləcək fərdi süni zəka sistemi üzərində çalışır

Microsoft, öz böyük dil modellərini yaradıb və proqram nəhənginin fikrincə, bu modellər sənaye liderlərinin, o cümlədən OpenAI-nin analoqları ilə rəqabət apara bilər. Bu barədə Bloomberg öz mənbələrinə istinadən məlumat verib.

Süni İntellekt

Yalnız süni zəka ilə yaradılmış rəsm əsərlərinin ilk onlayn hərracı keçirilib

Christie’s hərrac evi tərəfindən yalnız süni zəka ilə yaradılmış incəsənət əsərlərinin təqdim olunduğu ilk hərrac qarışıq nəticələr göstərdi və hələ ki, platformanın bu təcrübəni təkrarlayıb-təkrarlamayacağı bəlli deyil.

Süni İntellekt

OpenAI yüksək qiymətə elmlər namizədi səviyyəsində süni zəka agentlərini istifadəyə verməyə hazırlaşır

OpenAI yeni süni zəka agentləri seriyasını təqdim etməyə hazırlaşır və bu xidmətlərə giriş üçün aylıq abunə haqqı 2000-20 000$ arasında dəyişəcək.