Səudiyyə Ərəbistanı süni zəka sahəsinə 14.9 milyard dollarlıq investisiyanı elan edib

     Səudiyyə Ərəbistanında LEAP 2025 texnologiya sərgisi başlayıb. OneArabia-nın məlumatına görə, Səudiyyə Ərəbistanının rabitə və informasiya texnologiyaları naziri Abdullah Alswaha ölkənin süni zəka sektoruna müxtəlif ölkələrin şirkətləri tərəfindən 14.9 milyard dollar həcmində investisiya yatırılacağını elan edib. Nazir bildirib ki, bu investisiyalar texnologiya sektorunun inkişafını və süni zəkaya əsaslanan innovativ iqtisadiyyata keçidi sürətləndirəcək. Bu da ölkənin neft hasilatından asılılığını azaltmağı hədəfləyən "Vision 2030" proqramının məqsədləri ilə üst-üstə düşür.

     Groq və Aramco Digital şirkətləri Səudiyyə Ərəbistanını süni zəka sahəsində lider etmək məqsədilə İT infrastruktura 1.5 milyard dollar investisiya yatıracaqlarını elan ediblər. Şirkətlər ölkədə süni zəka üçün dünyanın ən böyük hesablama mərkəzini qurmağı planlaşdırırlar. Bu mərkəz Groq sürətləndiricilərinə əsaslanacaq. Bundan əlavə, Lenovo və Səudiyyə Dövlət İnvestisiya Fonduna məxsus Alat şirkəti süni zəka və robototexnika əsaslı qabaqcıl istehsalat mərkəzi yaratmaq üçün 2 milyard dollar investisiya yatırmaq planlarını təsdiqləyiblər. Həmçinin, Lenovo-nun regional qərargahı Ər-Riyadda yerləşəcək.

     Google, Səudiyyə Ərəbistanında süni zəka infrastrukturu mərkəzi yaratmağı planlaşdırır. Bu mərkəz regional və beynəlxalq bazarda süni zəka xidmətlərinə olan tələbatı qarşılamağa yönəlib. Bundan əvvəl Amazon Web Services-in 2026-cı ilə qədər yeni bulud regionu qurmaq üçün 5.3 milyard dollar investisiya yatırmağı və yerli tərtibatçıların təlimlərinə dəstək verməyi planlaşdırdığı məlum olub. Aramco Digital, Armada və Microsoft, Səudiyyə Ərəbistanında kənar hesablama (edge computing) üçün konteyner əsaslı məlumat mərkəzləri açmağı planlaşdırırlar. Microsoft artıq 2024-cü ilin sonuna qədər ölkədə üç məlumat mərkəzi tikib.

     Bu layihəyə 2.1 milyard dollar investisiya yatırılması barədə qərar 2 il əvvəl elan edilmişdi. Databricks, Platform-as-a-Service (PaaS) həllərinə 300 milyon dollar ayıraraq tətbiq tərtibatçılarını dəstəkləyəcək və ölkədə məlumat mühəndisliyi sahəsində ekspertizanın inkişafına töhfə verəcək. SambaNova, qabaqcıl süni zəka infrastrukturu yaratmaq üçün 140 milyon dollar investisiya ayırdığını elan edib. Bu investisiya Səudiyyə Ərəbistanının regional innovasiya mərkəzi kimi mövqeyini daha da gücləndirəcək. KKR və Gulf Data Hub, məlumat mərkəzlərinin inkişafına böyük sərmayələr yatırdıqlarını açıqlayıb. Bu investisiyalar 300 meqavatlıq yeni hesablama gücünün yaradılmasını nəzərdə tutur.

     Salesforce, Səudiyyə Ərəbistanında Hyperforce platformasını genişləndirmək üçün 500 milyon dollar investisiya yatıracaq. Bu addım regional müştərilərə daha yaxşı xidmət göstərmək məqsədi daşıyır. Tencent Cloud, süni zəka inteqrasiyasına malik yeni bulud regionunun yaradılması üçün 150 milyon dollar ayıracaq. Alibaba Cloud, Tuwaiq Academy və STC ilə birlikdə ölkədə süni zəka imkanlarını genişləndirmək üçün nəzərdə tutulmuş proqrama start verir. Bu təşəbbüs yerli istedadların qabaqcıl texnologiyalar üzrə təliminə yönəlib. Qualcomm, Qualcomm Cloud AI platformasında ALLaM adlı böyük dil modelinin (LLM) istifadəyə verildiyini elan edib. Bundan əlavə, şirkət tərtibatçılar üçün ALLaM AI PC həllini təqdim edib.

Mənbə: Onearabia

Bənzər xəbərlər

Süni İntellekt

Böyük İT şirkətlər bu il süni zəkaya 300 milyard dollardan çox investisiya yatıracaqlar

ABŞ-ın aparıcı texnologiya şirkətləri bazar risklərinə baxmayaraq süni zəka sahəsinin inkişafına xərclərini artırmağa davam edirlər. Microsoft, Alphabet (Google şirkətinin sahibi), Amazon və Meta şirkətlərinin 2024-cü ildə kapital xərcləri ümumilikdə 246 milyard dollara çatıb, bu da 2023-cü illə müqayisədə 63% çoxdur.

Proqram Təminatı

DeepSeek artıq 15 milyondan çox aktiv istifadəçi kütləsinə sahibdir

Büdcəyə uyğun süni zəka modeli hazırlamış Çin startapı DeepSeek texnologiya dünyasında həqiqi bir sensasiyaya çevrildi. TrendForce-un məlumatına görə, DeepSeek, ChatGPT-dən sonra dünyanın ən populyar ikinci tətbiqi olub.

Süni İntellekt

Süni zəka bir foto sayəsində insanın karyera potensialını təyin edir

Qlazqo Universitetinin tədqiqatçıları bir foto əsasında insanın karyera uğurunu qiymətləndirə bilən süni zəka sistemi hazırlayıblar. Alqoritm üz ifadəsi və üz cizgilərini analiz edərək insanın karyera pilləsində nə qədər irəliləyə biləcəyini proqnozlaşdırır. Tədqiqat şəxsiyyətin 5 əsas xüsusiyyətindən ibarət populyar modelə əsaslanır.

Elm & Texnologiya

DeepSeek kiçik çip istehsalçıları üçün təhlükə əvəzinə böyük şansa çevrilib

DeepSeek süni zəka bazarında, əsasən ABŞ şirkətlərinin üstünlük təşkil etdiyi sahədə böyük sarsıntıya səbəb oldu. Təkcə NVIDIA kimi süni zəka sürətləndiriciləri istehsal edən şirkət bir neçə 100 milyard dollar bazar dəyəri itirdi. CNBC-nin məlumatına görə, bazarın liderləri bu vəziyyətin nəticələri ilə mübarizə aparmağa çalışdığı halda, kiçik istehsalçılar üçün bu hadisə öz miqyaslarını genişləndirmək üçün bir fürsət kimi görünür.

Süni İntellekt

Dünyanın ilk hibrid kvant dil modeli (QLLM) anons edilib

Böyük Britaniyanın yüksək səviyyədə qorunan avadanlıq və proqram təminatı istehsalçısı olan SECQAI şirkəti dünyanın ilk hibrid kvant dil modelini (QLLM) anons edib. Bu texnologiya kvant hesablamalarını ənənəvi süni zəka modelləri ilə birləşdirərək səmərəliliyi artırmaq və mürəkkəb problemləri həll etmək məqsədi daşıyır.