Snap-ın süni intellektli Specs eynəyi 16 sentyabrda təqdim olunacaq

    Snap şirkəti yeni nəsil artırılmış reallıq eynəyi Specs üçün xüsusi təqdimat keçirəcəyini açıqlayıb. Tədbir 16 sentyabrda Los-Ancelesdə baş tutacaq və canlı yayımlanacaq. Təqdimat zamanı Specs ilk dəfə geniş şəkildə nümayiş etdiriləcək. Snap-ın CEO-su Evan Spiegel eynəyin süni intellekt köməkçisi, iş alətləri, əyləncə imkanları və artırılmış reallıq təcrübələrinin real dünyada necə işlədiyini göstərəcək.

    Specs-in qiyməti 2195 dollar təşkil edir. Öncədən sifarişləri artıq açılan eynəyin bu payız ABŞ, Böyük Britaniya və Fransada satışa çıxarılması planlaşdırılır. Satışların dəqiq başlanma tarixinin sentyabr tədbirində açıqlanacağı gözlənilir. Specs iki ölçüdə 47 mm və 52 mm versiyalarında təqdim ediləcək. Snap-ın məlumatına görə, cihaz qarışıq istifadə zamanı 4 saata qədər batareya ömrü təklif edir. Eynəyin daxilində brauzer və süni intellekt köməkçisi mövcuddur. AI funksiyaları OpenAI və Google texnologiyalarından istifadə edir. İstifadəçilər oyunlar da daxil olmaqla yüzlərlə AR Lens-dən, yəni eynək üçün hazırlanmış artırılmış reallıq tətbiqlərindən istifadə edə biləcəklər.