Süni zəka 10 ildən sonra istənilən tapşırıqda insan səviyyəsində və ya ondan üstün olacaq

     Google DeepMind-in baş direktoru Demis Hassabis, insan səviyyəsində və ya ondan üstün olan ümumi süni zəkanın (AGI) yaxın 5-10 il ərzində inkişaf etdiriləcəyini bildirib. O, AGI-nin yaradılmasının tamamilə real olduğuna əmindir və bu məsələnin yalnız zaman məsələsi olduğunu düşünür. Hassabis AGI-i “insana xas olan bütün mürəkkəb bacarıqları nümayiş etdirə bilən sistem” kimi müəyyənləşdirir. “Düşünürəm ki, hazırkı sistemlər çox passivdir və hələ edə bilmədikləri bir çox şey var. Lakin növbəti 5-10 il ərzində bu imkanların əksəriyyəti ön plana çıxacaq və biz ümumi süni zəka adlandırdığımız nöqtəyə doğru irəliləməyə başlayacağıq” - deyə Hassabis qeyd edib.

Demis Hassabis:

     Hassabis bu fikirdə tək deyil. Keçən il Çin texnologiya nəhəngi Baidu-nun baş direktoru Robin Li, AGI-nin 10 ildən sonra ortaya çıxacağını proqnozlaşdırmışdı. Hassabis-in bəzi həmkarları daha optimistdir. Anthropic şirkətinin baş direktoru Dario Amodei əmindir ki, “demək olar ki, bütün tapşırıqlarda əksər insanlardan daha yaxşı olacaq” süni zəka modeli növbəti 2-3 il ərzində ortaya çıxacaq. Cisco şirkətinin məhsul rəhbəri Jeetu Patel, AGI-nin artıq bu il ərzində yaradılmasının mümkün olduğunu düşünür. Tesla şirkətinin baş direktoru Elon Musk isə AGI-nin çox güman ki, 2026-cı ilə qədər reallığa çevriləcəyini proqnozlaşdırır. OpenAI-nin baş direktoru Sam Altman da bu sistemin yetərincə yaxın gələcəkdə inkişaf etdiriləcəyini hesab edir.

     Hassabis öz proqnozlarında daha irəli gedərək, AGI-dən sonra səhnəyə insanı bütün sahələrdə üstələyən süni super zəkanın (Artificial Super Intelligence, ASI) çıxacağını ehtimal edib. Bununla belə, o, belə bir irəliləyişin nə vaxt baş verəcəyini “heç kimin əslində bilmədiyini” etiraf edib. Hassabis-in fikrincə, AGI-nin yaradılmasında əsas problem müasir süni zəka sistemlərinin real dünya kontekstini anlama səviyyəsinə çatdırılmasıdır. “Əsas məsələ bizim planlaşdırma və agent davranışı, məntiqi düşüncə kimi anlayışları nə qədər tez ümumiləşdirə və sonra bunları real dünyaya tətbiq edə bilməyimizdədir. Bunun üçün ətraf mühiti anlaya bilən dünya modelləri kimi əlavə elementlər də tələb olunur” - deyə Hassabis izah edib.

     Hassabis-in sözlərinə görə, son zamanlar süni zəkanın inkişafında tədqiqatçılar getdikcə daha çox çoxagentli sistemlərə diqqət yetirirlər. O, bunun nümunəsi kimi DeepMind-in “Starcraft” oyununda süni zəka agentlərini öyrətməklə bağlı araşdırmalarını göstərib: “Biz bu sahədə böyük işlər görmüşük. Məsələn, “Starcraft” layihəsində agentlər birliyi və ya agentlər liqası yaratmışdıq. Onlar həm rəqabət apara, həm də əməkdaşlıq edə bilirdilər” - deyə o vurğulayıb. Süni zəka sahəsində yüksək vəzifəli menecerlər və aparıcı tədqiqatçılar bir fikirdə həmrəydirlər. Onlar gələcəyi hər şeyi bilən, hər şeyə qadir və hər sahədə insanı üstələyən süni zəka sistemləri olmadan təsəvvür etmirlər. Görünən odur ki, onlar bu süni intellekt dalğasının - “səmanı tutacaq bir çəyirtkə sürüsü” kimi təsvir edilən texnoloji inqilabın - özlərinə və yaxınlarına təsir etməyəcəyinə inanırlar.

Mənbə: CNBC

Bənzər xəbərlər

Süni İntellekt

Süni zəka skannerləri ucbatından veb saytlar daha ləng çalışmağa başlayıblar

Açıq mənbəli layihələr üçün Git hostinq platforması SourceHut, süni zəka sistemləri hazırlayan şirkətlərin işə saldığı veb-skannerlər səbəbindən xidmətlərinin sürətinin azaldığını elan edib.

Süni İntellekt

Süni zəka əsaslı axtarış Google-dakı ənənəvi "10 mavi link" axtarış formatını öldürüb

Uzun illər boyunca Google-un ənənəvi axtarış formatı - qeyri-rəsmi olaraq "10 mavi keçid" adlandırılan sistem istifadəçilər üçün əsas yanaşma olub. Lakin istifadəçilər süni zəka əsaslı çat-botlara, onların yerinə axtarış aparan alətlərə sürətlə uyğunlaşırlar.

Süni İntellekt

Bir neçə ildən sonra texnoloji şirkətlər hər il süni zəkaya 500 milyard dollardan çox vəsait sərf edəcəklər

DeepSeek-in təsiri texnologiya nəhənglərini hesablama infrastrukturu xərclərini artırmağa vadar edir. Bloomberg Intelligence analitiklərinə görə, DeepSeek-in süni zəka bazarında meydana çıxması qlobal İT sektorunda hesablama infrastrukturu xərclərinin artmasına səbəb olub.

Süni İntellekt

Anthropic süni zəkanın yalanlarını və əsl məqsədlərini gizlətmə hallarını ortaya çıxartmağı öyrənib

Sürətlə inkişaf edən süni zəka modelləri artıq indiki mərhələdə yalan danışmağa, faktları saxtalaşdırmağa, həqiqi məqsədlərini gizlətməyə və istifadəçilərin gözlədiyi, lakin yanlış cavablar verməyə qadirdir.

Süni İntellekt

Süni zəka əsaslı axtarış sistemləri xəbər mənbələri baxımından yanlış məlumatlar verirlər

Generativ süni zəka modelinə əsaslanan 8 axtarış xidməti xəbər mənbələri ilə işləməkdə ciddi problemlər nümayiş etdirib. Bu, Columbia Journalism Review nəşrinin Rəqəmsal Jurnalistika Mərkəzi tərəfindən aparılmış araşdırmanın nəticələrindən məlum olub.