Süni zəka tarixin ilk trilyonerini ortaya çıxa bilər

     Süni zəka ilə bağlı geniş müzakirələrə baxmayaraq, onun perspektivlərinin çoxu hələlik yalnız gözlənti səviyyəsində qalır. Lakin milyarder Mark Cuban bunun əksini düşünür. Onun sözlərinə görə, məhz süni zəka tarixdə ilk dəfə kimsəyə 1 trilyon dollardan artıq sərvət qazandıracaq. Cuban-ın fikrincə, bu şəxs hansısa texnologiya nəhəngi deyil, müstəqil bir şəxs olacaq. Ola bilər ki, bu insanın komandası və ofisi olmasın, amma düzgün ideyası olsun. High Performance podkastında Cuban vurğulayıb ki, generativ süni zəkanın potensialı hələ gerçək mənada açılmağa belə başlamayıb. O, hazırkı vəziyyəti internetin, smartfonların və fərdi kompüterlərin ilk günləri ilə müqayisə edir, amma əlavə edir ki, süni zəkanın doğuracağı dəyişikliklərin miqyası daha böyük olacaq.

Mark Cuban:

     İnvestorun əsas arqumenti funksional dəyişikliklə bağlıdır. O, hesab edir ki, hər şeyi modelin özü deyil, süni zəkanı gündəlik tapşırıqlara rahat və anlaşılan şəkildə inteqrasiya edən məhsul müəyyən edəcək. Belə bir məhsulu yaradan şəxs, başlanğıc resurslarından asılı olmayaraq, uğur qazana bilər. Ola bilər ki, məhz bu şəxs ilk trilyonluq sərvətin sahibi olacaq. Cuban etiraf edir ki, insanlar yeni texnologiyaları əvvəlcə demək olar ki, həmişə rədd edirlər. Lakin vərdiş və real fayda münasibəti dəyişir. Cuban-ın fikrincə, süni zəka də eyni yolu keçəcək - skeptisizmdən geniş tətbiqə doğru.

     O özü neyron şəbəkələrdən sağlamlığın monitorinqi, video generasiyası və gündəlik proseslərin qismən avtomatlaşdırılması üçün istifadə edir. Səhvlər baş verir, xüsusilə detallarda, amma ümumi effektivlik bu çatışmazlıqları artıqlaması ilə kompensasiya edir. Eyni zamanda o, panik proqnozlardan qaçır. Cuban əmindir ki, süni zəka insanları kütləvi şəkildə əvəz etməyəcək. Onun fikrincə, söhbət işdən çıxarılmadan deyil, yanaşmaların dəyişməsindən gedir. Bununla belə, hamı bu fikri paylaşmır. Son aylarda Ford-un rəhbəri James Farley, Amazon-un baş direktoru Andy Jassy və Anthropic şirkətinin həmtəsisçisi Dario Amodei daha narahatedici açıqlamalarla çıxış ediblər.