Süni zəka vasitəsilə tərtib edilmiş rəsm əsərlərinin hərrac sərgisi keçiriləcək

     Məşhur hərrac evi Christie’s, generativ neyron şəbəkələrdən istifadə edərək yaradılmış əsərlərin nümayiş olunacağı "Augmented Intelligence" adlı hərrac sərgisi keçirəcəyini elan edib. Tənqidçilər artıq sərginin ləğv edilməsi üçün imza toplamağa başlayıblar. Lakin təşkilatçılar bunun etik qaydaları pozmadığını düşünürlər. Bu, Christie’s-in bu tip ilk tədbiri olacaq. Lakin bu, şirkət üçün bu sahədə ilk təcrübə deyil.

Baş tutacaq sərgidə təqdim ediləcək rəsm əsərlərindən biri:

     2018-ci ildə neyron şəbəkə tərəfindən yaradılmış bir rəsm əsəri hərracda satılmış və alıcı həmin rəsm əsərinə 430 000$-dan çox vəsait ödəmişdi. 20 fevralda start götürəcək sərgidə müxtəlif müasir süni zəka "rəssamlarının" əsərləri təqdim olunacaq. Layihəyə artıq ilk tənqidlər yönəldilib. Bəzi tənqidçilər iddia edirlər ki, neyron şəbəkələr real rəssamların əsərləri üzərində öyrədildiyi üçün bu sərgi süni zəka vasitəsilə yaradılan işləri, əl ilə sənət yaradan insanlardan üstün tutur.

2018-ci ildə satılmış rəsm əsəri:

     Hərracın ləğvini tələb edən açıq məktub artıq 3900-dən çox imza toplayıb. Buna cavab olaraq, Christie’s nümayəndələri bildiriblər ki, sərgidə iştirak edəcək bütün müəlliflər geniş və çoxşaxəli bədii təcrübəyə malikdirlər. Onların sözlərinə görə, bu sənətçilər neyron şəbəkələrdən yalnız öz yaradıcılıqlarını təkmilləşdirmək üçün istifadə edirlər. Həmçinin vurğulanıb ki, süni zəka alqoritmləri də məhz bu əsərlər əsasında öyrədilib.

Mənbə: Techcrunch

Bənzər xəbərlər

Süni İntellekt

Süni zəkadan həddindən artıq istifadə insanda idrak qabiliyyətlərinin pisləşməsinə səbəb ola bilər

"Texnologiyalardan düzgün istifadə olunmadıqda, onlar insanın qorunmalı olan idrak qabiliyyətlərinin pisləşməsinə səbəb ola bilər və bu, doğrudan da buna gətirib çıxarır". Bu nəticə ABŞ-ın Karnegi-Mellon Universiteti və Microsoft tədqiqatçılarının aparmış olduqları araşdırma ilə müəyyən edilib.

Süni İntellekt

Google DeepMind CEO-su: "DeepSeek heç bir yeni elmi nailiyyət nümayiş etdirmir"

Google DeepMind şirkətinin baş direktoru Demis Hassabis bildirib ki, DeepSeek süni zəka modeli çinli tədqiqatçıların ən yaxşı işi ola bilər. Lakin onun fikrincə sözügedən süni zəka modeli eyni zamanda heç bir yeni elmi nailiyyət nümayiş etdirmir.

Süni İntellekt

DeepSeek bioloji silahlar barəsində məlumat verməyi bacarır

Anthropic şirkətinin baş direktoru Dario Amodei, DeepSeek-in süni zəka modeli ilə bağlı testlərin nəticələrindən narahatlığını ifadə edib.

Süni İntellekt

Süni zəkanın “xaç anası”: "Süni zəka qanunları elmi fantastikaya deyil, real elmə əsaslanmalıdır"

Süni zəkanın “xaç anası” kimi tanınan alim, Fei-Fei Li, süni zəka siyasətinin formalaşdırılması üçün 3 əsas prinsipi təqdim edib.

Süni İntellekt

Fransa prezidenti süni zəka sahəsinə 109 milyard avroluq investisiyanı elan edib

Fransa prezidenti Emmanuel Macron süni zəkanın inkişafına 109 milyard avro məbləğində böyük investisiyalar elan edib. Bu qərar, 500 milyard dollar dəyərində investisiya nəzərdə tutan ABŞ layihəsi “Stargate”ə Fransanın cavabı kimi qiymətləndirilir.