Venera planetində potensial həyat növü aşkar edilib

Venera planetində potensial həyat növü aşkar edilib

Süni zəka və Elm
15.09.2020 PAYLAŞIM

    Mars ilə müqayisədə daha sıx atmosferə sahib olmasına baxmayaraq indiyənə kimi düşünülürdü ki, Venera planetinin səthinin ekstremal iqlim şəraitinə sahib olduğu üçün orda həyatın mövcud olması mümkün deyil. Lakin yaxın zamanda bu fikir tamamilə dəyişə bilər. Belə ki, yeni araşdırmalara əsasən Venera potensial şəkildə həyat növünə sahib planet ola bilər. Bu barədə Wccftech saytı xəbər verib. Havay adalarında yerləşən James Maxwell teleskopu və Çilidə yerləşən ALMA radioteleskopu vasitəsilə Venera planetini müşahidə edən zaman alimlər aşkar ediblər ki, planetin üzərindəki buludlar çox nadir rast gəlinən fosfin qazına sahibdirlər.

    Adətən bu qaz biomaterialların qalıqlara çevrilməsi nəticəsində yaranır. Bu isə öz növbəsində planetin səthində canlı orqanizmlərin olduğuna işarə edən sübutlardan biridir. Alimlərin sözlərinə əsasən planetin atmosferinin üst laylarında sözügedən qazın tərkibinin müşahidəsi canlı orqanizmlər üzərində müşahidənin aparılması sayılmır. Lakin nəzərə alsaq ki, fosfin qazı adətən göl ilinin və peyinin köməkliyi ilə generasiya edilir, planetin atmosferində bu qazın külli miqdarda olmasını hansısa təsadüfi kimyəvi prosesin baş verməsi ilə əlaqələndirmək olmaz.


    “Bizim tədqiqatlarımız planetin səthində potensial həyat növünün olduğunu tam şəkildə təsdiqləmir. Lakin maraqlısı ondadır ki, biz bu nadir qazı Venera atmosferinin yuxarı laylarında aşkar etmişik. Bizim komandamız aşkar edilmiş fosfin qazı miqdarını izah edə bilmir. Biz, planetin atmosferində nələrin (vulkanik aktivlik, günəş işığı və ya ildırım) baş verdiyini modelləşdirməyə çalışanda heç bir hadisə bu qədər yüksək miqdarda fosfin qazını əmələ gətirmir” - deyə alimlər qeyd ediblər. Bu cür kəşf adətən həyatın mövcudluğuna işarə edən ilkin sübutlardan hesab edilir. Hətta potensial həyat növü çox primitiv olsa belə. Mövcud olan nəzəriyyəyə əsasən söhbət, Venera planetinin buludlarında olan tək hüceyrəli bakteriyalardan gedir. Nəzərə alsaq ki, Veneranın səthi çox istidir, çox güman ki, potensial həyat növü onun buludlarında məskən salıb. NASA agentliyi ola biləcək növbəti potensial tədqiqatlar barəsində bir məlumat verməyib.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Astronomlar qara materiyaya sahib olmayan qəribə qalaktikaların izahını veriblər..

Kainatın istənilən qalaktikasında kütlənin böyük hissəsi görünmür. Belə ki, o, qara materiyadan ibar..


GPT-3 adlı süni zəka The Guardian saytı üçün esse yazıb

Britaniyanın The Guardian saytı GPT-3 adlı süni zəka tərəfindən yazılmış esseni təqdim edib...


Rəqəmsal məlumatın həcminin yüksəlməsi qlobal problemlərə gətirib çıxarda bilər..

İnsan sivilizasiyası ağıla gəlməyəcək qədər məlumat generasiya edir. Hal hazırda mövcud olan rəqəmsa..


80 yaşlı amerikalı fizik işıq sürətinə yaxın sürəti yığa biləcək kosmik mühərrik..

Kaliforniya Universitetindən olan 80 yaşlı professor fizik Yer kürəsinə yaxın olan ulduzlara bir ins..


Alimlər 7 milyard il öncə iki qara dəliyin birləşməsindən yaranmış qravitasiya d..

Tədqiqatçılardan ibarət qrup təqribi olaraq 7 milyard il bundan öncə birləşməşmiş iki qara dəliyin i..


Yeni nəsil tibb: Nanorobotlar insan orqanizmində hərəkət etməyi bacarıblar (VİDE..

Alimlərin fikirlərinə əsasən gələcəkdə ağıllı nanorobotlar lazımi dərmanları insan orqanizminə çatdı..

×