Videolarda insanları realistik şəkildə qocaldan və cavanlaşdıran süni zəka alqoritmi hazırlanıb (VİDEO)
Süni İntellekt
23.12.2024
Emil
Şimali Karolina və Merilend Universitetlərinin mütəxəssisləri MyTimeMachine adlı süni zəka alqoritmini ərsəyə gətiriblər. Bu süni zəka alqoritmi videoda hər hansısa şəxsi realistik şəkildə qocalda və ya cavanlaşdıra bilər. MyTimeMachine qocalma və cavanlaşma prosesinin modelini dəqiq şəkildə yarada bilir. Nəticədə hər hansısa şəxsin müəyyən yaşlarda necə göründüyünü seyr etmək olar. Sözügedən süni zəka alqoritminə bənzəyən digər analoqlardan fərqli olaraq MyTimeMachine dəri teksturu ilə yanaşı üz strukturunu da dəyişə bilir.
Konkret şəxsin personallaşdırılmış qocalıq modelinin tərtibatı üçün həmin şəxsin son 20 il ərzində çəkilmiş 50 fotosunu alqoritmə təqdim etmək lazımdır. Təqdim olunan fotolar əsasında sistem şəxsin müxtəlif yaşlarda necə görünə biləcəyini sərgiləyir. Bu alqoritm film və televiziya sahəsində vizual effektlərlə bağlı xərcləri aşağı sala bilər. Məlumatda qeyd edilib mütəxəssislər sözügedən alqoritmi hazırlayan zaman 2019-cu ildə Netflix-də yayımlanmış “Irishman” filmindən ilhamlanıblar. Qeyd etmək lazımdır ki, bu filmin montajı zamanı bəzi yaşlı aktyorların daha cavan görünmələri istiqamətində vizual effektlərdən istifadə edilmişdi.
Paylaş
Bənzər xəbərlər
Elm & Texnologiya
Süni intellekt 1.5 milyard illik təkamülün sirrini ortaya çıxarıb!
Çin Elmlər Akademiyasının Nankin Geologiya və Paleontologiya Elmi-Tədqiqat İnstitutunun rəhbərlik etdiyi beynəlxalq komanda süni zəka və böyük məlumat metodlarından istifadə edərək, kompleks həyatın 1.5 milyard illik təkamülünü yüksək dəqiqliklə ortaya çıxarıblar.
Süni İntellekt
OpenAI yaxın zamanda o3 adlı yeni süni zəka sistemini anons edə bilər
OpenAI şirkətinin CEO-su Sam Altman, X-dəki (keçmiş Twitter) hesabında maraqlı bir paylaşım edib. Öz paylaşımı ilə Altman şirkətin yeni süni zəka modelinin yaxın zamanda istifadəyə veriləcəyinə işarə etmiş ola bilər.
Süni İntellekt
Google məntiq yürüdə bilən süni intellektini təqdim edib!
Google, Gemini 2.0 Flash Thinking-i təqdim edib. Şirkət yeni modeli ilə məntiq yürütmə sahəsində yeni bir dövr başladaraq OpenAI o1-ə meydan oxuyub.
Süni İntellekt
Süni intellekt modellərinin insanları aldada bildiyi ortaya çıxıb!
Anthropic tərəfindən aparılan bir araşdırma, süni intellekt modellərinin insanları aldatma qabiliyyətinə malik olduğunu göstərib. Bu modellər, bəzən fərqli baxışlara sahibmiş kimi davrana bilirlər, lakin əslində orijinal seçimlərindən əl çəkmirlər.
Süni İntellekt
Ölüləri süni intellektlə "dirildib" söhbət etmək mümkün olacaq!
Süni zəka artıq həyatımızın hər sahəsinə daxil olmağa davam edir. İndi isə Life’s Echo adlı şirkət tərəfindən təqdim olan süni intellekt xidməti vasitəsilə vəfat etmiş insanlarla canlı bir şəxs kimi söhbət etmək mümkün olacaq.
Ən çox oxunanlar
Technote quruluşunun 10-cu ilinə özəl yeni brendinqini təqdim edir
