Yalnız süni zəka ilə yaradılmış rəsm əsərlərinin ilk onlayn hərracı keçirilib

     Christie’s hərrac evi tərəfindən yalnız süni zəka ilə yaradılmış incəsənət əsərlərinin təqdim olunduğu ilk hərrac qarışıq nəticələr göstərdi və hələ ki, platformanın bu təcrübəni təkrarlayıb-təkrarlamayacağı bəlli deyil. Onlayn hərrac 14 gün davam etdi - bu müddət ərzində satışa çıxarılmış 34 lotdan 14-ü ya ümumiyyətlə təklif almadı, ya da Christie’s tərəfindən müəyyən edilmiş minimum qiymətdən aşağı satıldı. Gözlənilən qiymətdən yüksək məbləğə satılmış yeganə əsər Refik Anadol-un "Machine Hallucinations-ISS Dreams-A" adlı animasiya işi oldu. Bu əsər hərracda ən yüksək qiymətə - 277 200$-a - satıldı.

"Machine Hallucinations-ISS Dreams-A":

     Əsər Beynəlxalq Kosmik Stansiya (BKS) və peyklər tərəfindən çəkilmiş 1.2 milyondan çox görüntüdən ibarət məlumat toplusundan istifadə edilməklə yaradılmışdı. Amerikalı Pindar Van Arman-ın "Emerging Faces" adlı əsəri, hərracın önəmli işlərindən biri kimi təqdim edilsə də, ümumiyyətlə heç bir təklif almadı. Rəqəmsal incəsənətin ilk təmsilçilərindən sayılan mərhum amerikalı rəssam Charles Csuri-nin əsəri isə 50 400$-a satıldı - bu məbləğ hərrac evi tərəfindən müəyyən edilmiş minimum qiymətdən aşağı idi. Hərracın ümumi satış həcmi 728 784$ təşkil etdi.

     Christie’s nümayəndələri bildirdilər ki, nəticələr kolleksiyaçıların təqdim olunan sənətkarların təsirini və əhəmiyyətini qəbul etdiyini göstərir. Lakin tədbir hamını razı salmadı. Təxminən 6500 rəssam hərracın ləğv olunmasını tələb edən petisiyaya imza atdı. Sənəddə qeyd olunur ki, bəzi əsərlər əvvəllər intellektual mülkiyyət hüquqlarını pozmaqda ittiham olunan süni zəka modelləri vasitəsilə yaradılıb. Buna görə də, etiraz edənlərə görə, süni zəka ilə yaradılmış sənət əsərlərinin hərracı insan rəssamların işlərinin kütləvi oğurluğundan qazanc əldə etmək cəhdidir.

Mənbə: Techxplore

Bənzər xəbərlər

Süni İntellekt

OpenAI yüksək qiymətə elmlər namizədi səviyyəsində süni zəka agentlərini istifadəyə verməyə hazırlaşır

OpenAI yeni süni zəka agentləri seriyasını təqdim etməyə hazırlaşır və bu xidmətlərə giriş üçün aylıq abunə haqqı 2000-20 000$ arasında dəyişəcək.

Süni İntellekt

Alibaba məntiqi düşünməyə sahib süni zəka modelini təqdim edib

Çinin Alibaba şirkəti açıq mənbəli koda sahib yeni süni zəka modeli olan QwQ-32B-ni təqdim edib. Tərtibatçıların sözlərinə görə, yeni model bir sıra sahələrdə DeepSeek R1 modelini geridə qoyur və bunu daha az resurs istifadə edərək həyata keçirir.

Süni İntellekt

Ənənəvi saytlar süni zəka əsaslı çat-botlar və agentlər səbəbilə istifadəçi kütləsini itirilər

Süni zəka sahəsində ixtisaslaşmış şirkətlər sayt sahiblərinə yeni nəsil axtarış sistemlərinin onlara daha çox istifadəçi cəlb edəcəyini vəd etmişdi.

Süni İntellekt

Alimlər neyron şəbəkələri əsasında ümumi süni zəkanın (AGI) yaradılmasına inanmırlar

Əksər süni zəka tədqiqatçıları mövcud texnoloji yanaşmanın ümumi süni zəkanın (AGI) yaradılmasına gətirib çıxaracağına inanmır.

Süni İntellekt

Çağrı mərkəzi operatoru hindistanlı işçilərin aksentini yumşaltmaq üçün süni zəkadan istifadə edir

Dünyanın ən böyük çağrı mərkəzi operatoru olan Teleperformance şirkəti süni zəkadan istifadə edərək ingilis dilli hindistanlı işçilərin aksentini yumşaldır.