Yer kürəsindən 16 işıq ili uzaqlığında bizim planetimizə bənzəyən iki yeni ekzoplanet kəşf edilib

Yer kürəsindən 16 işıq ili uzaqlığında bizim planetimizə bənzəyən iki yeni ekzoplanet kəşf edilib

Süni zəka və Elm
21.12.2022 PAYLAŞIM

    İspan alimlər öz yeni tədqiqatlarında Yer kürəsindən cəmi 16 işıq ili uzaqlığında GJ 1002 adlı ulduz ətrafında dövr edən iki yeni ekzoplanetin kəşf olunduğunu açıqlayıblar. Kosmik nöqteyi nəzərdən bu, Yer kürəsinə çox yaxın məsafədir. Məlumatda qeyd edilib ki, kəşf edilmiş yeni ekzoplanetlər Yer kürəsinə çox bənzəyirlər və onlar həyat üçün münbit şəraitə sahib ola bilərlər. Aşkar edilmiş iki yeni ekzoplanetdən biri GJ 1002b, digəri isə GJ 1002c adını əldə edib. Onlar GJ 1002 adlı qırmızı cırtdan (parlaqlığı Günəşin parlaqlığından daha aşağı səviyyədə olan ulduz növü) ətrafında dövr edirlər. Alimlərin sözlərinə əsasən sözügedən ulduzun parlaqlıq səviyyəsi və temperaturu çox aşağıdır.


    Buna görə də onun yaşayış zonası (planetin səthində suyun maye şəklində mövcud olmasına şərait yaradan kosmik zona) Günəşin yaşayış zonasından daha kiçikdir. Bu cür ulduzların yaşayş zonalarında yerləşən planetlərdəki temperatur göstəricisi adətən nə çox yüksək nə də çox aşağı olur. “Hal hazırda biz bilirik ki, bu iki planet ölçü və kütlə baxımından Yer kürəsinə bənzəyir. Lakin onların səthlərində suyun və üstəlik hansısa həyat növünün mövcud olub-olmadığını söyləmək üçün hələ çox tezdir. Bunları müəyyənləşdirmək üçün biz daha ətraflı araşdırmalar aparmalıyıq” - deyə alimlər qeyd ediblər. GJ 1002b və GJ 1002c adlı planetləri aşkar etmək üçün alimlər kosmosda bu planetlərin yerləşdikləri regionun 100-dən çox fotosunu müşahidə ediblər və ulduz işığının analizini aparıblar.

    Nəticədə əldə edilmiş məlumatlar kosmosun bu regionunda Yer kürəsinə bənzəyən iki ədəd ekzoplanetin mövcud olduğunu göstəriblər. Alimlərin sözlərinə əsasən GJ 1002 ulduzuna bu iki ekzoplanetdən ən yaxın məsafədə yerləşəni GJ 1002b-dir. O, ulduz ətrafında tam dövrü 10 günə reallaşdırır. GJ 1002c adlı ekzoplanet isə öz ulduzundan bir qədər aralıda yerləşir və onun ətrafında tam dövrü 20 günə reallaşdırır. Hal hazırda alimlər öz sas diqqətlərini bu ekzoplanetlərin atmosferlərini araşdırmağa yönəldiblər. Onlar əsasən bu planetlərin səthlərində suyun və atmosferlərində oksigenin olub-olmadığını təyin etmək istəyirlər. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


ChatGPT dünyanın ən yaxşı biznes məktəblərindən birində buraxılış imtahanından u..

OpenAI şirkətinin süni zəka əsaslı ChatGPT çat-botunun dərs tapşırıqlarının yerinə yetirilməsində is..


Daxilində nüvə sintezi prosesinin getdiyi yeni ekzoplanet kəşf edilib

Alimlər Avropanın Gaia adlı kosmik teleskopu vasitəsilə yeni ekzoplanet kəşf ediblər.


OpenAI şirkəti süni zəka əsaslı ChatGPT çat-botunun pullu versiyasını test etməy..

Süni zəka əsaslı ChatGPT çat-botunun bəzi isitfadəçiləri bildiriblər ki, OpenAI şirkəti onlara ChatG..


Alimlər 8.8 milyard işıq ili uzaqlığındakı qalaktikadan radio siqnal qəbul edibl..

Hindistanda yerləşən Giant Metrewave Radio Telescope (GMRT) adlı rəsədxana Yer kürəsindən 8.8 milyar..


Ən böyük neft şirkətlərindən biri 50 il ərzində qlobal istiləşmə məlumatlarını i..

Dünyanın ən böyük neft şirkətlərindən biri olan ExxonMobil-in təmsilçiləri qeyd ediblər ki, son illə..

×