YouTube Shorts alqoritmi zəif və süni kontenti önə çıxarır

    Technote.az “Mashable” platformasına istinadən bildirir ki, YouTube Shorts tövsiyələrinin böyük hissəsi artıq aşağı keyfiyyətli, süni intellekt tərəfindən yaradılan videolarla doludur.

    Video montaj platforması Kapwing tərəfindən aparılan və The Guardian tərəfindən yayımlanan tədqiqatın nəticələrinə görə, yeni yaradılmış və heç bir baxış tarixçəsi olmayan bir istifadəçiyə təqdim edilən YouTube Shorts videolarının yarıdan çoxu ya “AI slop”, ya da “brainrot” kateqoriyasına daxildir.

    Araşdırma çərçivəsində tamamilə yeni bir YouTube Shorts alqoritmində göstərilən ilk 500 videoya baxılıb. Nəticələrə əsasən:

    Beləliklə, bu iki kateqoriya birlikdə ümumi kontentin 54 faizini təşkil edir.

    Kapwing-in tərifinə görə, brainrot kontenti tamaşaçının zehni və intellektual vəziyyətini zəiflədən, məntiqsiz, məqsədsiz və tez-tez avtomatik yaradılan videolardan ibarətdir. Bu tip kontentin böyük hissəsi də süni intellekt alətləri ilə hazırlanır. Araşdırma ölkələr üzrə də maraqlı fərqləri ortaya qoyub. İspaniya AI slop kanallarına abunə sayı baxımından liderdir. Bu ölkədə bu tip kanalların ümumi abunəçi sayı 20,22 milyondur. ABŞ isə ən populyar 100 AI slop kanalının 9-na sahibdir və 14,47 milyon abunəçi ilə üçüncü yerdə qərarlaşıb.