Azərbaycan sahibkarları üçün yeni həll: invoice-reporter ilə biznesinizin maliyyəsini özünüz idarə edin
Tech-Azərbaycan
02.06.2026
Sevinj
Kiçik və orta biznes sahiblərinin böyük hissəsi hər ay eyni sualla üzləşir: bu ay nə qazandım, nə xərclədim? Cavabı isə ya mühasibdən gözlənilir, ya da qarışıq Excel cədvəllərinin arasında axtarılır. Məhz bu boşluğu doldurmaq üçün Azərbaycan məhsulu olan invoice-reporter.com platforması istifadəyə verilib.
Invoice-reporter nədir?
Invoice-reporter şirkətin gəlir və xərclərini real vaxtda izləməyə imkan verən veb əsaslı hesabatlılıq platformasıdır. Mürəkkəb ERP sistemlərindən fərqli olaraq, bu platforma yalnız sahibkarın həqiqətən ehtiyac duyduğu - maliyyə şəffaflığına -fokuslanır. Platformanı sadə interfeysi sayəsində xüsusi texniki bilik olmadan istifadə etmək mümkündür.
Platforma iki əsas istiqamət üzərində qurulub: gəlirlər və xərclər. Sahibkar və ya onun mühasib heyəti şirkətin hər bir maliyyə əməliyyatını yarandıqca sistemə daxil edir. Məsələn, müştəriyə kəsilən 2500 manatlıq faktura "Yeni faktura" bölməsindən, təchizatçıya ödənilən 2000 manatlıq xərc isə "Yeni xərc" hissəsindən qeydə alınır.
Yalnız qeydiyyat deyil — tam sənəd idarəetməsi
Platformanın fərqləndirici cəhəti odur ki, o sadəcə rəqəm toplayan bir sistem deyil. İstifadəçi müştəri məlumatlarını, bank hesablarını və şirkət rekvizitlərini bir dəfə daxil etdikdən sonra bir neçə addımda invoys və hesab-faktura formalaşdıra bilir. Üstəlik həmin sənədlər avtomatik olaraq müştərinin e-poçt ünvanına göndərilir. Word faylı açıb sıfırdan sənəd yaratmağa, sonra məlumatı ayrıca Exceldə izləməyə artıq ehtiyac qalmır.
Sistemə daxil edilən bütün məlumatlar əsasında platforma avtomatik olaraq bir sıra vacib hesabatlar formalaşdırır: gəlir-xərc balansı, nağd pul axışı, debitor və kreditor borcları, vergi və satış növü üzrə statistika. Bu hesabatlar müvafiq bölmədən istənilən vaxt izlənilə bilər. Yəni sabah səhər mühasibə zəng etmədən biznesinizin dünənki maliyyə vəziyyətini görə bilərsiniz.
Platforma mühasibsiz işləmək üçün deyil - mühasiblə daha səmərəli işləmək üçün nəzərdə tutulub. Sahibkar mühasibə sistemə giriş icazəsi verərək bütün əməliyyatları bu platforma üzərindən aparmağı tapşıra bilər. Nəticədə hər iki tərəf eyni məlumata çıxış əldə edir və "hesabat gözlətmə" problemi aradan qalxır.
Azərbaycan məhsulu, pulsuz başlanğıc
Invoice-reporter yerli bir layihədir və platformadan istifadə ilk 3 ay bütün istifadəçilər üçün ödənişsizdir. Qeydiyyat prosesi sadədir — invoice-reporter.com saytına daxil olub bir neçə dəqiqə ərzində hesab yaratmaq kifayətdir.
Paylaş
Bənzər xəbərlər
