“e-müqavilə” sistemində 1 milyard manatdan çox dəyərdə müqavilə bağlanıb
Tech-Azərbaycan
03.07.2026
Farid
Cari ilin I yarısında dövlət satınalmaları üçün istifadə olunan “e-müqavilə” altsistemində yüksək istifadəçi aktivliyi qeydə alınıb. Hesabat dövründə sistem vasitəsilə ümumi məbləği 1 milyard manatdan çox olan 2414 müqavilə bağlanıb.
Technote.az xəbər verir ki, ilin ilk yarısında 872 satınalan təşkilat sistemdə qeydiyyatdan keçib, 1487 təchizatçı isə platformaya qoşulub. Bu göstəricilər sistemdən istifadənin genişləndiyini göstərir.
İmzalanmış müqavilələrin 45,43%-i xidmətlərin göstərilməsi, 40,2%-i malların satınalınması, 14,37%-i isə işlərin görülməsi ilə bağlı olub. Ən böyük payı xidmətlərin göstərilməsi üzrə müqavilələr təşkil edib.
“e-müqavilə” altsistemi 10 aprel 2026-cı il tarixindən istifadəyə verilib. Sistem satınalma müqavilələrinin elektron hazırlanması, razılaşdırılması, imzalanması və vahid platformada izlənilməsini təmin edir.
“e-müqavilə” Azərbaycan Respublikası Prezidentinin 26 yanvar 2026-cı il tarixli Fərmanı ilə təsdiqlənmiş “Rəqəmsal dövlət maliyyəsi” informasiya sisteminin altsistemi kimi fəaliyyət göstərir. Platforma dövlət satınalmalarının elektron idarə olunmasına xidmət edir.
Paylaş
Bənzər xəbərlər
