ƏMAS-da işəgötürənlər üçün yeni funksiya istifadəyə verilib
Tech-Azərbaycan
01.07.2026
Farid
Əmək və Əhalinin Sosial Müdafiəsi Nazirliyinin “Əmək və Məşğulluq” altsistemində (ƏMAS) işəgötürənlər üçün məzuniyyət günləri ilə bağlı yeni funksionallıq yaradılıb. Yenilik işçilərin məzuniyyət məlumatlarının sistem üzərindən əldə edilməsini təmin edir.
Technote.az xəbər verir ki, “Statistik məlumatlar” bölməsinə əlavə edilən “Məzuniyyət günləri” funksiyası vasitəsilə işəgötürənlər əmək müqaviləsinə əsasən işçilərin əsas və əlavə əmək məzuniyyəti günləri barədə məlumatları əldə edə bilirlər.
Yeni funksionallıq məzuniyyət günlərinin izlənilməsini və müvafiq hesabatların hazırlanmasını asanlaşdırır. Bu da məlumatların idarə edilməsini daha səmərəli edir.
Sistem işəgötürənlərə məzuniyyətlərin uçotunu daha effektiv aparmağa və insan resurslarının idarə olunmasını rahat təşkil etməyə imkan yaradır. Bununla HR proseslərinin rəqəmsal idarə edilməsi sadələşdirilir.
ƏƏSMN bildirib ki, ƏMAS-da tətbiq olunan yeni funksiyalar əmək münasibətlərinin rəqəmsallaşdırılmasına xidmət edir. Məqsəd xidmətlərin daha əlçatan və istifadəsinin daha rahat təşkil olunmasıdır.
Paylaş
Bənzər xəbərlər
