"Technote" Azərbaycanda və dünya gündəmində baş verən ən son texnoloji yenilikləri və xəbərləri izləyicilərinə doğma Azərbaycan dilində çatdıran yerli informasiya agentliyidir. Agentliyimiz 2015-ci ildə virtual olaraq onlayn informasiya portalı kimi təsis edilmiş, 2017-ci ildə "TECHNOTE MMC" adı altında şirkətə çevrilmiş və 2022-ci ildən Media Agentliyinin Dövlət Reyestrində Azərbaycanın onlayn texnologiya mediası olaraq dövlət qeydiyyatına alınmışdır.

    Məhz 2015-ci ilin mart ayında portal azərbaycanlı texnobloqer və texnologiya sahibkarı Fərid Pərdəşünas tərəfindən təsis edilib. Şirkətin məqsədyönlü fəaliyyətinin nəticəsi olaraq, 2021-ci ildə Azərbaycan Respublikasının Prezidenti İlham Əliyev tərəfindən Fərid Pərdəşünas innovasiya və sahibkarlıq sahələrində xüsusi fərqləndiyinə görə Gənclər üçün Prezident mükafatına layiq görülmüşdür.

    Qeyd edək ki, bu günə qədər Technote Azərbaycanı Mobil Dünya Konqresi (Barselona), CES (Las Veqas), IFA (Berlin), Cannes Lions (Kann), Web Summit (Lissabon) kimi beynəlxalq texnologiya konfranslarında azərbaycanlı yayımçı və media şirkəti olaraq təmsil etmişdir.