'2018-ci il elm və texnologiyalar üçün inqilabi olacaq'

'2018-ci il elm və texnologiyalar üçün inqilabi olacaq'

Texnologiya
19.12.2017 PAYLAŞIM

Avropanın ən böyük İT şirkətlərindən biri olan “SQS”in CEO-su Dik Vos Information Age saytı ilə 2018-ci il üzrə öz texnoloji proqnozlarını bölüşüb. Onun fikrincə yeni il elm və texnologiya sahəsi üçün innovasiyalı olacaq.

Süni zəka tibb sahəsində inqilab yaradacaq:


Süni zəka tibb sahəsində artıq böyük uğurlar sərgiləyir. Əsasən onun potensialı özəl müalicələrin təyin olunmasında, rentgen fotoların analizi və məsləhətçi qismində çıxış etməsi kimi sahələrdə nəzərə çarpandır. Tibb haqqında məlumatlar süni zəkada çox olsa da, məhz 2018-ci il inqilabi olacaq. Texnologiyalar hesablayıcı resurslara daha az vəsait xərcləməyə imkan yaradacaqlar. Buna görə də tibbi alqoritmlər tam güc ilə çalışa biləcəklər. Minlərlə həkimlərin bilikləri və uğurlu tədqiqat məlumatları ilə birlikdə süni zəka bir çox xəstəliklərin öyrənilməsində inqilaba səbəb olacaq.

VR həkimlərə əməliyyatların aparılmasında yardımçı olacaq:

Virtual reallıq texnologiyaları professionallar arasında yayılmaqda davam edir. Lakin Vos düşünür ki, bu texnologiya süni zəkanın tibbdəki rolunu reallaşdıracaq. Bunun üçün yolun böyük bir hissəsi artıq geridə qalıb. Əkizlərin ayrılması üzrə keçirilmiş uğurlu əməliyyatın yaxşı nəticələnməsi müəyyən səviyyədə virtual reallıq texnologiyasının payına düşür. Və gələcəkdə VR ilə robototexnikanın birləşməsi həkimlər üçün inanılmaz imkanlar açacaq. Vos-un fikrincə həkimlər əməliyyat zamanı robotları tamamilə yeni səviyyədə idarə edə biləcəklər.

Səsli texnologiyalar innovasiyalar bazarının liderlərinə çevriləcəklər:

Bu ona görə baş verəcək ki, səsli interfeyslər innovasiya və təcrübə sahələrindən irimiqyaslı istehsala keçid edəcək. Gələn il səsli texnologiyalar kütləvi yayılma imkanına sahib olacaqlar. Səsli süni zəka köməkçiləri nəinki məişət əməliyyatlarını sadələşdirir, həmdə multimedia məhsullarından istifadəni tamamilə yeni səviyyəyə yüksəldir.

Həmin texnologiyalar istifadəçilərə öz multimedia kontentlərini idarə etməyə və sözügedən texnologiyaların yaradıcılarına reklam yerləşdirilməsi baxımından yeni imkanlar verirlər. Vos düşünür ki, həyatın bir çox sahələri səsli köməkçilər vasitəsilə idarə olunacaq. Bu texnologiyadan əlavə üstünlükləri həmçinin fiziki qüsurlu insanlar və qocalar əldə edəcəklər. Səsli əmrlər həmin insanların həyat keyfiyyətlərini daha da yaxşılaşdıracaq.

Avtomatlaşdırma sistemi hamıya təsir edəcək:

Süni zəkanın və avtomatlaşdırma sisteminin fəhlə sinfinin yerini almaqla ofis işçilərinə təsir etməyəcəkləri bir ssenari artıq günümüzdə yanlış fikirdir. Aydın məslədir ki, konkret bir prosesin yerinə yetirilməsinə yönəlik bütün peşələri avtomatlaşdırmaq mümkündür. Buna görə də süni zəka təkcə işçi zavodlarına deyil, həmdə ofisdə çalışan insanlara da təsir edəcək.

Vos qeyd edib ki, süni zəka səbəbindən bugün olan peşələrin 30%-i ümumiyyətlə yox olacaqlar. 2018-ci ildə hesablayıcı resursların qiymətlərinin aşağı düşməsi nəticəsində ofis işçiləri alqoritmlərlə və ya digər formatlı əməkdaşlar ilə əvəz olunacaqlar. Məsələn, “Goldman Sachs” şirkətinin 600 treyderi 200 kompüter mühəndisi ilə əvəz olunmuşdur. Bununla yanaşı şirkət IPO-ya çıxışı da avtomatlaşdırır.

Hackerlər problemi beynəlxalq səviyyəyə yüksəlməlidir:

Vos-un fikrincə BMT-də kibertəhlükəsizlik üzrə ayrıca komitet yaradılmalıdır. Onun fikrincə günümüzdə dövlətlər hacking probleminə ciddi yanaşmırlar və yalnız hackerlərin ləngiməsi və xoşbəxt təsadüf nəticəsində hələ də bu istiqamətdə qlobal problem baş verməyib. O bildirib ki, kiberhücumların çox hissəsi digər hackerlər tərəfindən aşkar edilərək cəmiyyətə bildirilib. Lakin bu işlə insanlar mütəmadi olaraq məşğul olmalıdırlar. Heç vaxt gözləmək lazım deyil ki, hansısa xoşniyyətli hacker kömək edəcək.

Gələcək, elektrik avtomobillər arxasında deyil, pilotsuz avtomobillər arxasındadır:

Bir çox ölkələrin yanacaq mühərrikli avtomobillərdən imtina etmələrinə baxmayaraq, Vos-un fikrincə elektrikli avtomobillər yeni şəraitə uyğunlaşmayacaqlar. Nə 2018-ci ildə, nədəki daha sonrakı illərdə. O düşünür ki, gələcək məhz hibrid və hidrogen variantlı avtomobillərin arxasındadır. Onlar daha rahat, universal və əlçatandırlar. Avtomobil sahəsində əsas inqilabı yaradacaq texnologiya isə pilotsuz idarəetmə sistemidir. Vos-un proqnozuna əsasən elektromobillərdən fərqli olaraq pilotsuz idarəetmə texnologiyası həqiqətən də insanların həyatlarını daha komfort edəcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Naqilsiz yeni Redmi Buds 4 və Buds 4 Pro qulaqlıqları təqdim edilib - QİYMƏTİ..

Redmi brendi 2 ədəd yeni naqilsiz qulaqlığı təqdim edib. Söhbət, Redmi Buds 4 və Buds 4 Pro qulaqlar..


Yeni Xiaomi Mi Band 7 smart qolbağı təqdim edilib - QİYMƏTİ

Redmi brendi Redmi Note 11T Pro və Note 11T Pro+ smartfonlarından əlavə olaraq çoxdan gözlənilən Mi ..


Apple öz cihazlarında fiziki düymələrdən imtina etməyi planlaşdırır

Görünür, Apple şirkəti öz cihazlarında fiziki düymələrdən imtina etməyi planlaşdırır. Şirkətin yeni ..


Snapdragon 8+ Gen 1 və flaqman özəlliklərə sahib Snapdragon 7 Gen 1 prosessorlar..

Qualcomm şirkəti keçirtmiş olduğu xüsusi təqdimat tədbiri çərçivəsində yeni Snapdragon 8+ Gen 1 flaq..


Hələ təqdim olunmamış Xiaomi Mi Band 7 smart qolbağı internet mağazalarının biri..

Xiaomi Mi Band 6 smart qolbağı Çində keçən ilin aprel ayının əvvəlində təqdim edilmişdi...


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..

×