2018-ci il iPhone modelləri hansı qiymətə satılacaqlar?

    Son zamanlarda yayılmış bir çox məlumatlara əsasən bu ilin Sentyabr ayında keçiriləcək ənənəvi təqdimat çərçivəsində Apple şirkəti 3 model iPhone cihazı təqdim edəcək. Morgan Stanley şirkətinin analitikləri artıq sözügedən modellərin qiymətləri barəsində proqnozlar da verirlər. Şirkətin analitiklərinin fikrincə flaqman modellərin start qiymətləri olduğu kimi qalacaq. Bu isə o deməkdir ki, 6.5 inç ekrana sahib olacaq iPhone X Plus (smartfonun adı tam dəqiq deyil) 999$, iPhone X modelinin davamçısı 799$, 6.1 inç IPS ekrana sahib olacaq model isə 699-769$ dəyərində satılacaq.

    Təbii ki, həmçinin satışa daha təkmilləşdirilmiş versiyalar da çıxacaq. Məsələn daha geniş yaddaş həcminə sahib modellər. Biznesin gəlirliyini artırmaq üçün Apple şirkəti digər strategiya üzrə də gedə bilər. Bu halda iPhone X Plus 1099$, iPhone X-in davamçısı 999$, 6.1 inç ekranlı model isə 799$ qiymətinə satılacaq. Maraqlısı ondadır ki, LCD ekranlara sahib olacaq iPhone modellərinin qiymətləri barəsində olan ilk proqnozlarda mütəxəssislər 550-650$ start qiymətlər göstərirdilər. Daha sonra KGI Securities şirkətindən olan məşhur analitik Ming-Chi Kuo onların qiymətlərində yüksəlişin olacağını ehtimal etdi.

iPhone X Plus – 900-1000$

iPhone X (2018) – 800-900

iPhone (LCD) – 600-700$.