ABŞ hökuməti Çinin aparıcı süni zəka şirkətlərini qara siyahıya saldı

ABŞ hökuməti Çinin aparıcı süni zəka şirkətlərini qara siyahıya saldı

Texnologiya
09.10.2019 PAYLAŞIM

    Vaşinqtonda keçiriləcək vacib danışıqların fonunda smart kameralar və onlar üçün proqram təminatının hazırlanması üzrə fəaliyyət göstərən aparıcı istehsalçılar sanksiyalara məruz qalıblar. ABŞ-ın ticarət nazirliyi düşünür ki, Çindən olan həmin istehsalçılar öz texnologiyalarından uyğurların və digər müsəlman vətəndaşların repressiyası üçün istifadə ediblər. Bu barədə MIT Tech Review saytı xəbər verib. Beləliklə ABŞ hökuməti Çinə qarşı olan sanksiyalarını genişləndirib. Məlumatda qeyd edilib ki, bu saksiyalar potensial güclü zərbədir.

    Belə ki, Çin öz prosessorlarının 90%-ni import edir. Neyroşəbəkələr üçün lazımi təchizatı isə ABŞ-ın Nvidia şirkəti istehsal edir. Reuters saytınn məlumatlarına əsasən ABŞ-ın qara siyahısına smart kameralar istehsalçısı Hikvision, insanların üzlərinin təyin olunması üçün nəzərdə tutulmuş proqram təminatı istehsalçıları SenseTime Megvii, nitqin təyin olunması sahəsində fəaliyyət göstərən lider şirkətlər iFlytek Yitu daxil ediliblər. Bununla yanaşı ABŞ şirkətlərinə Çində olan 20-dən çox dövlət agentliyi ilə əməkdaşlıq etmək də qadağan olunub.

    ABŞ-ın ticarət nazirliyinin bəyanatında qeyd edilib ki, sanksiyalara məruz qalmış şirkətlər və təşkilatlar Çinin repressiya kampaniyası çərçivəsində insan hüquqlarının pozulmasında iştirak ediblər. Həmin repressiya kampaniyasına insanların kütləvi həbs edilməsi, uyğurlar, qazaxlar və digər müsəlman vətəndaşları üzərində yüksək texnoloji izlənmə prosesləri daxildirlər. Qeyd etmək lazımdır ki, bu yeni sanksiyalar Çin ilə ABŞ arasındakı ticarət məsələləri üzrə Vaşinqtonda keçiriləcək danışıqlardan əvvəl təyin edilib. Süni zəka Çin üçün ən əsas texnologiyalardan biridir. Buna görə də Çinin ABŞ sanksiyalarına sərt cavab verəcəyini gözləmək olar. 



SİZƏ MARAQLI OLACAQ BİR NEÇƏ MƏLUMAT


Elon Musk-ın Roadrunner adlı gizli layihəsi: Daha ucuz və yüksək həcmli batareya..

 Son bir neçə ay ərzində Tesla şirkəti öz elektromobilləri üçün batareya istehsalı ilə özünün məşğul..


Citroen şirkəti 4 iPhone qiymətinə satılan Ami adlı elektromobili təqdim etdi (V..

Avtomobil istehsalçısı olan Citroen orijinal dizayna və ultrakompakt ölçüyə sahib Ami adlı elektromo..


Huawei, dünyanın ilk Wi-Fi 6+ routerini təqdim etdi: HarmonyOS ilə işləyəcək..

Huawei bəzi 5G cihazlarını təqdim edərkən Wi-Fi 6+ texnologiyasına malik olan dünyanın ilk routerini..


Samsung yeni nəsil OLED ekranların hazırlandığını elan etdi

Samsung şirkəti yeni nəsil OLED ekranların hazırlandığını elan etdi.


HTC şirkəti Wildfire R70 adlı yeni büdcəli smartfonunu təqdim etdi

Uzun zaman ərzində barəsində səs-səmir gəlməyən HTC şirkəti yeni ildə ilk smartfon modeli olan Wildf..


109 illik qısa film Süni Zəka vasitəsilə 4K keyfiyyətə yüksəldildi

1911-ci ildə çəkilən qısa film Denis Shiryaev tərəfindən 4K keyfiyyətə süni zəka vasitəsilə yüksəldi..