Reklam
ABŞ ilə Çin arasındakı qarşılıqlı əlavə ticarət rüsumları Apple şirkətinə necə təsir edəcək?

ABŞ ilə Çin arasındakı qarşılıqlı əlavə ticarət rüsumları Apple şirkətinə necə təsir edəcək?

Texnologiya
02.09.2019 PAYLAŞIM

    Dünən Çin və ABŞ hökumətləri ticarət müharibəsi çərçivəsində hər iki ölkədən olan məhsullara qarşılıqlı olaraq əlavə ticarət rüsumu qanununu istifadəyə verdilər. Lakin bu qanun nədir və o, Apple ilə digər texnoloji şirkətlərə necə təsir edəcək? Bu barədə CNBC saytı xəbər verib. 1 sentyabr tarixindən ABŞ hökuməti ümumi dəyəri 125 milyard dollar olan Çin importuna əlavə 15%-lik ticarət rüsumu tətbiq etdi. Həmin rüsum əsasən Bluetooth qulaqlıqları, smart səsgücləndiriciləri və Çin istehsalı olan ayaqqabıları əhatə edəcək. Lakin ABŞ hökuməti bununla yetinən deyil. Belə ki, 15 dekabr tarixindən başlayaraq 15%-lik əlavə ticarət rüsumu digər məhsulları da əhatə edəcək. Həmin məhsullara kompüterlər, smartfonlar, planşetlər və s. aid ediləcəklər.

    Çin buna cavabsız qalmayaraq ABŞ-dan olan xam neft məhsullarına 5%-lik ticarət rüsumunu tətbiq etdi. Bundan əlavə olaraq Çin hökuməti ABŞ-dan olan bir çox məhsullara 5-10% ticarət rüsumunu da tətbiq edib. Həmin məhsulların ümumi dəyəri isə 75 milyard dollar təşkil edir. Qeyd etmək lazımdır ki, vəsait xərclərinin azaldılması üçün bir çox şirkətlər öz məhsullarını məhz Çində istehsal edirlər. Buna görə də həmin şirkətlər bundan sonra ABŞ bazarına gətirilmiş hər bir məhsul üçün ticarət rüsumu ödəməli olacaqlar. Məsələn əgər Çində istehsal olunmuş hansısa dronu ABŞ bazarına gətirib satmaq istəyirsənsə əlavə ticarət rüsumunu ödəməlisən.


    Nəticədə şirkətlər ya öz məhsullarının qiymətlərini qaldırmalı, ya da qiymət artımından imtina edərək vəsait itkilərini yaşamalıdırlar. Nike, Adidas, Converse də daxil olmaqla 200-ə yaxın ayaqqabı brendi bu yeni qanunun ləğv olunması üçün Donald Trump-a müraciət edib. ABŞ prezidenti ilə həmçinin Apple şirkətinin CEO-su Tim Cook da görüş keçirdib. Əvvəlki ticarət rüsumları Apple şirkətinin gəlirlərinə təsir etmirdi. Belə ki, həmin rüsumlar kiçik aksessuarları əhatə edirdilər.

    Lakin yeni rüsum AirPods qulaqlıqlarını, Apple Watch smart saatlarını, HomePod səsgücləndiricilərini və hətta iMac monobloklarını əhatə edir. Daha sonra şirkət Çində istehsal edilmiş iPhone, iPad, Mac Apple TV məhsullarına görə də ödəniş etməli olacaq. Lakin J.P. Morgan şirkətinin analitikləri əmindirlər ki, Apple şirkəti öz məhsullarının qiymətlərini qaldırmayacaq və bütün zərbəni öz üzərinə götürəcək. İlkin hesablamalara əsasən şirkət nəticədə 500 milyon dollar vəsait itirəcək.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple AirPods Pro 2 qulaqlıqlarının render fotoları və yeni məlumatları təqdim e..

Vaxtı ikən AirPods 3 qulaqlıqlarının fotolarını təqdim etmiş 52audio saytı bu dəfə AirPods Pro 2 qul..


Apple şirkətinin qarışıq reallıq (AR + VR) cihazı gələn ilin əvvəlində satışa çı..

Məşhur analitik Ming-Chi Kuo Apple şirkətinin qarışıq reallıq (AR + VR) cihazının satış tarixi barəs..


ABŞ-da bakteriyalar əsasında yeni bioloji batareya yaradılıb

Nyu-York ştatında yerləşən Binhemton Universitetinin mütəxəssisləri bakteriyalar əsasında enerji bat..


Yaxın zamanda smartfonlar üçün 240 vatt gücündə sürətli şarj texnologiyası istif..

İnternet resursların verdikləri məlumata əsasən yaxın zamanda smartfonların batareyaları üçün nəzərd..


Huawei yeni naqilsiz FreeBuds Pro 2 qulaqlıqlarını təqdim edib - QİYMƏTİ

Huawei şirkəti naqilsiz FreeBuds Pro 2 qulaqlıqlarını təqdim edib.


Amazon Alexa hətta vəfat etmiş insanların səsləri vasitəsilə danışa biləcək..

Amazon şirkəti dünən Las Veqasda keçirilmiş Re:Mars adlı konfrans çərçivəsində etik nöqteyi nəzərdən..

×