main-post-cover

    ABŞ sanksiyaları səbəbilə Huawei şirkəti nə qədər vəsait itirəcək?

    Elm & Texnologiya
    26.08.2019
    Emil Nəcəfov
         Huawei şirkəti ABŞ sanksiyaları nəticəsində əldə etdiyi vəsait itkilərinə yenidən nəzər salıb. Beləliklə şirkətin hesablamalarına əsasən Huawei bu il özünün istehlakçı biznesi şöbəsinin ümumi gəlirinin 10 milyard dollarınını itirə bilər. Qeyd etmək laz;mdır ki, istehlakçı biznesinə həmçinin smartfon satışları da daxildir. Bu məsələ barəsində şirkət sədrinin müavini Eric Xu bildirib. Bu barədə Bloomberg saytı xəbər verib.
         Onun sözlərinə əsasən bu cür göstərici şirkətin daha öncədən proqnoz etdiyi göstəricidən daha azdır. Belə ki, hələ iyun ayında Huawei şirkətinin yaradıcısı Ren Zhengfei bildirmişdi ki, ABŞ sanksiyaları səbəbilə şirkət yaxın 2 il ərzində satışlarda 30 milyard dollar itirə bilər. “Deyəsən vəsait itkisi əvvəlcədən güman edildiyindən daha az olacaq. Lakin siz gələn ilin mart ayında təqdim ediləcək hesabatları gözləməlisiniz. Heç istisna deyil ki, 10 milyard dollardan daha çox vəsait itirilə bilər” - deyə Eric Xu bildirib.
         Buna baxmayaraq şirkət ABŞ məhsullarına alternativ variantlar üzərində aktiv şəkildə çalışır. Bir neçə müddət bundan öncə ABŞ hökuməti şirkətin ABŞ bazarında fəaliyyət göstərməsi üçün daha 90 günlük lisenziya vermişdi. Lakin şirkəti təmsilçisi bunu mənasız adlandırmışdı. Belə ki, şirkət əməkdaşları tam məhdudlaşdırılmış vəziyyətdə çalışmağa hazırdırlar.
    Linki kopyala