Android P-nin ilk versiyası təqdim olundu. Yeniliklər nələrdir?

Android P-nin ilk versiyası təqdim olundu. Yeniliklər nələrdir?

Texnologiya
08.03.2018 PAYLAŞIM

Ənənə üzrə hər ilin Mart ayında “Google” şirkəti tərtibatçılar üçün yeni Android versiyasını təqdim edir.

Yeni versiyanın adı Android P-dir. Onun tam adının necə olacağını heç kim bilməsə də bir çoxlarının fikrincə yeni əməliyyat sistemi məhz Android Pie adlanacaq. Android P Nexus seriyasına tamamilə son qoyur. Bu isə o deməkdir ki, əməliyyat sistemi birinci və ikinci nəsil Pixel modellərində təqdim olunacaq. The Next Web saytı yeni sistemin 5 əsas funksiyaları barəsində məlumat verib.

Smartfonlarda ön panelin yuxarı hissəsindəki çıxıntı dəstəyi:


Günümüzdə smartfonların dizaynında yeni dəb yaranıb. Belə ki, bir çox istehsalçılar öz smartfonlarında ön panelin yuxarı hissəsinə kiçik çıxıntı əlavə edirlər. Bu isə öz növbəsində tərtibatçıların işini çətinləşdirir. Belə ki, bu halda sistemin və tətbiqlərin interfeyslərini həmin çıxıntı üzrə adaptasiya etdirməli olurlar.


İndi isə hər şey daha sadə şəkildə çalışır. “Google” çıxıntının forma və ölçüsünü standartlaşdırmağı təklif etmir. Smartfon istehsalçıları sətirlərin hündürlüyünü dəyişə və çıxıntıdan sol və sağ tərəfdəki istənilən formada olan ekran sahəsini istifadə edə bilərlər. Tətbiq tərtibatçıları isə adi ekranlara sahib smartfonlarda müxtəlif forma və ölçüdə olan çıxıntıları modelləşdirə bilərlər.

Yeni dizayn:

“Google” növbəti dəfə standart pəncərələrin (bildiriş sətirləri, ayarlar və digər interfeyslər) xarici görünüşündə düzəlişlər edib. İkonlar dairəvi künclərə sahib olublar. Ümumilikdə isə interfeys daha parlaq və rəngli olub.

Yaxşılaşdırılmış bildirişlər:

Şirkət daimi olaraq bildirişlər sətrini təkmilləşdirir. İndi isə həmin sətirdə messencerlərdən olan ismarışlara kontekstdən asılı olaraq sürətli “ağıllı” cavab vermək imkanı yaradılıb. Aşağı fotoda da görmək olar ki, “How about sushi?” sualına sistem 3 cavab təqdim edir: Müsbət, neytral və mənfi.

Bir neçə kamera dəstəyi:

Android P çox kameralı modulların standart dəstəyini təqdim edir. Bu isə öz növbəsində smartfonlardakı ikili kamera ayarlarının prosesini sadələşdirir. Tərtibatçılar sürətli şəkildə fotodakı arxa fonun bulanıq düşməsi və iki kamera arasındakı keçid hesabına optik zoom funksiyasını əlavə edə biləcəklər. Bundan əlavə olaraq 3D effektin yaradılması üçün kənar tətbiqlərə bir anda iki kamera vasitəsilə çəkiliş özəlliyi də əlavə olunacaq.

Binaların daxilində naviqasiya:

Yeni sistemə şirkət Wi-Fi IEEE 802.11mc (RTT) protokolunu əlavə edir. Şəbəkənin bu cür standartı bütün dünya üzrə yayılandan sonra istifadəçilər xəritə naviqasiyalarını hətta binaların daxilində də istifadə edə biləcəklər. Beləliklə böyük ticarət mərkəzlərində lazımi mağazanı və ya park yerində avtomobili tapmaq daha da asan olacaq.


Təbii ki, bütün bunlar Android P-nin tam yenilikləri deyil. Yeni əməliyyat sistemi barəsində əlavə məlumatlar bu ilin May ayında tərtibatçılar üçün keçiriləcək Google I/O tədbirində səsləndiriləcək. Məhz həmin vaxtda adi istifadəçilər üçün Android P-nin ilk beta-test versiyası təqdim olunmalıdır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Yeni GoPro Hero 10 Black action kamerası təqdim edilib - QİYMƏTİ

GoPro şirkəti özünün Hero 10 Black adlı yeni flaqman action kamerasını təqdim edib.


SpaceX heç bir astronavtın iştirakı olmadan 4 nəfər turisti kosmosa göndərib (Vİ..

Kosmik uçuşlar yeni bir şey deyil. Lakin bununla adətən professional şəxslər məşğul olurlar. SpaceX ..


Apple A15 Bionic prosessoru Qualcomm ilə Samsung-un flaqman prosessorlarını geri..

Məşhur Geekbench bençmark saytında A15 Bionic prosessoruna sahib iPhone 13-ün test nəticələri ortaya..


Apple şirkəti Watch 7-dəki vacib funksiyanın digər tətbiqdən kopyalamaqda günahl..

Apple şirkətinin öz yeni məhsullarını təqdim etməsindən sonra Kosta Eleftheriou adlı tərtibatçı Appl..


Apple yeni iPad modellərini və Watch Series 7 smart saatını təqdim edib - QİYMƏT..

Apple şirkəti yeni iPhone 13 smartfonları ilə yanaşı həmçinin yeni iPad planşetləri ilə Watch Series..


Xiaomi AR funksiyalara sahib Smart Glasses adlı eynəyini təqdim edib (VİDEO)

Xiaomi şirkəti yeni qeyri-adi məhsulunu təqdim edib. Söhbət, AR (artırılmış reallıq) funksiyalara sa..

×