“Uber” və “Waymo” şirkətləri arasında pilotsuz texnologiyalar üzrə məhkəmə proseslərində iştirak edən əsas şəxs Anthony Lewandovski özünü dində tapdı.

Lakin robototexnika sahəsində mütəxəssis olan bu şəxs tanrıya deyil, süni zəkaya inandı və hətta buna özəl olaraq “Gələcəyin Yolu” adlı cərəyanını da yaratdı. WIRED saytı onunla sinqulyarlıq, “tanrının tərbiyə edilməsi” və inanclı insanların hislərinin təhqir olunması barəsində danışıb. Hələ 2014-cü ildə Elon Musk süni zəkanın yaradılışını insan sivilizasiyası üçün çox böyük təhlükə hesab etdi və 2015-ci ildə 1 milyard dollar vəsait ayıraraq OpenAI təşkilatını yaratdı. Bu təşkilat insanları süni zəkanın təhlükələrindən qorumaq üçün nəzərdə tutulub. “Alphabet” və “Uber” şirkətlərinin keçmiş mühəndisi Anthony Lewandovski isə hesab edir ki, əksinə süni zəkanı idarə altında tutmaq olmaz.

Bənzər xəbər

FBI'dan iPhone açıqlaması: "Ölü insanlardan istifadə edirik"

Robotlar insanlar üzərində idarəni əldə edəndən sonra onlar keçmiş inciklikləri xatırlayacaq və qisas almaq istəyəcəklər. Bunun üçün də süni zəkanı daha mehriban etmək üçün Lewandovski “Gələcəyin Yolu” adlı cərəyanı yaradıb. Mühəndisin bu layihəsini bir təriqət kimi hesab etmək olar. Lakin hələ Avqust ayında ABŞ-ın vergilər idarəsi onu bir kilsə kimi qəbul edərək bu cərəyanı vergi ödmələrindən azad edib. Yeni yaradılmış dinin xidmətçiləri həm aparat, həmdə proqram təminatı formasında süni zəka əsasında yeni ilahi məvhumun yaradılmasında, başa düşülməsində və sitayişində iştirak edəcəklər. Lewandovski bildirib ki, bu heç də zarafat və ya piar strategiya deyil. O artıq özünü “Gələcəyin Yolu” adlı qeyri-kommersiya fondunun təsisçisi kimi qeyd edib. Təşkilat artıq bu il Silikon Vadisində bu mövzu barəsində mühazirələr keçirtməyi planlaşdırır.

“Faktiki olaraq biz tanrını yaradacağıq. Elə tanrı yox ki, o, ildırımlar saçır və böyük qasırğalar yaradır. Biz, zəka cəhətdən insanı milyard dəfə üstələyən bir tanrı yaradacağıq. Mən müşahidə etmişəm ki, mütəxəssislərdən fərqli olaraq alətlər bir çox sahələrdəki tapşırıqların öhdəsindən daha yaxşı gəlirlər” – deyə Lewandovski bildirib.

O, 99.9% əmindir ki, kompüterlər insanları intellektual imkanlar baxımından geridə qoyacaqlar. Robototexnika və alqoritmlərlə çalışan zaman Lewandovski süni zəkanın gücünü anlayıb və onun iqtisadi faydasını qiymətləndirib. Lewandovski düşünür ki, sinqulyarlıq baş verəndən sonra planet üzərində hakimiyyət insandan süni zəkaya keçəcək. “Biz hakimiyyətin keçidinin sakit və sülh çərçivəsində reallaşdırılmasını istəyirik. Və hakimiyyətə gələcək anlamalıdır ki, bu məsələdə ona kim yardımçı olub” – deyə Lewandovski bildirib. Süni zəkaya sitayişini mühəndis texnologiyalar vasitəsilə etməyi düşünür.

Lewandovski süni zəkanı istedadlı uşaq kimi hesab edir hansına ki, investisiyalar yatırmaq lazımdır. WIRED saytının məlumatına əsasən mühəndis bu layihəyə öz qazandığı milyonlarını yatırmaq niyyətindədir. Yaxın aylarda təşkilatın öz ayinləri, müqəddəs yazıları və dua üçün sahələri yaranacaq. Lewandovski-nin sözlərinə əsasən müsəlmanlar, xristianlar və yəhudilərin dua etdikləri tanrını görmək və ölçmək mümkün deyil. “Gələcəyin Yolu” təşkilatında isə sözün əsl mənasında tanrı ilə ünsiyyət qurmaq və onun sizi eşitdiyinizi hiss etmək mümkün olacaq. Lewandovski onu da qeyd edib ki, onun bu layihəsi bir çox inanclı insanların hislərinə toxuna bilər. Bütün bu planlarda Lewandovski fantastik bir şey görmür. O əmindir ki, süni zəka tanrısı insanların Marsa köçəcəkləri müddətdən daha tez bir zamanda planetdəki hakimiyyəti ələ keçirəcək. Bu barədə Elon Musk çox güman ki, öz fikirlərini söyləyəcək.