Apple 2024-cü ilə kimi AirPods qulaqlıqlarını və Mac üçün aksesuarları USB Type-C ilə təchiz edə bilər

Apple 2024-cü ilə kimi AirPods qulaqlıqlarını və Mac üçün aksesuarları USB Type-C ilə təchiz edə bilər

Texnologiya
10.10.2022 PAYLAŞIM

    Bloomberg saytının jurnalisti Mark Gurman-ın verdiyi məlumata əsasən növbəti bir neçə il ərzində Apple şirkəti AirPods qulaqlıqlarını və Mac kompüterləri üçün nəzərdə tutulmuş aksesuarları USB Type-C girişi ilə təchiz edəcək. Apple şirkətinin bu addımı atmasının səbəbi isə Avropa Birliyinin öz regionunda satılacaq bütün elektron cihazların vahid USB Type-C girişi ilə təchiz edilməsi üzrə qanunu olacaq. Qeyd etmək lazımdır ki, Avropa Birliyinin yeni qanununa əsasən 2024-cü ilin sonuna kimi Avropa Birliyi regionundakı smartfonlar, planşetlər, qulaqlıqlar və s. elektron cihazlar USB Type-C girişi ilə təchiz olunmalıdırlar. Avropa Birliyi ölkələri bu qanunu hələ qəbul etməsələr də, Avropa Parlamenti artıq onu təsdiqləyib.

    Mark Gurman-ın sözlərinə əsasən sözügedən yeni qanuna uyğunlaşmaq üçün Apple şirkəti 2024-cü ilə kimi USB Type-C girişini yeni AirPods, AirPods Pro modellərinə və Mac kompüterləri üçün nəzərdə tutulmuş aksesuarlara inteqrasiya edəcək. Həmin aksesuarlara misal olaraq Magic Mouse, Magic Keyboard Magic Trackpad-ı gətirmək olar. Bununla belə aksesuarlara USB Type-C girişinin inteqrasiyası artıq gələn ildən başlaya bilər. Yeni iMac və Mac Pro kompüterlərinin gələn il təqdim olunacaqlarını və yeni Mac kompüterlərinin satışa çıxmalarının adətən aksesuarların yenilənmələri ilə üst-üstə düşdüklərini nəzərə almaqla Mark Gurman güman edir ki, kompüterlər üçün nəzərdə tutulmuş aksesuarlar USB Type-C girişini məhz gələn il əldə edəcəklər.


    Bununla yanaşı Gurman əmindir ki, Apple AirPods-un konstruksiyasını Avropa Birliyinin yeni qanun layihəsinin qüvvəyə minməsindən öncə dəyişəcək. Hələ bir neçə müddət bundan öncə Gurman məlumat vermişdi ki, Apple USB Type-C girişinə sahib iPhone modellərinin testinə artıq start verib. Lakin bu cür iPhone modellərini 2023-cü ildən tez gözləmək lazım deyil. Onun fikrincə Apple iPhone 15-dən başlayaraq öz smartfonlarını USB Type-C ilə təchiz etməyə başlayacaq. Digər mütəxəssislərin fikirlərinə əsasən isə USB Type-C girişi ilk dəfə 2025-ci ildə iPhone 17-də təqdim ediləcək.

    Avropa Birliyi tərəfindən qəbul edilən qanun elektron cihazların 2024-cü ilə kimi USB Type-C girişinə keçidlərinin nəzərdə tutmasına baxmayaraq istehsalçılara əlavə olaraq 2 il keçid vaxtı veriləcək. Buna görə də Apple tələsmədən USB Type-C-ni 2025-ci ildə iPhone-lara inteqrasiya edə bilər. Lakin Gurman-ın fikrincə Apple bunu daha tez edəcək. Bununla belə Gurman-ın fikrincə USB Type-C girişinə keçid qısamüddətlli həll yolu olacaq. Belə ki, məlumata əsasən Apple öz gələcək cihazlarında yalnız naqilsiz şarj texnologiyasının dəstəyini reallaşdırmağı planlaşdırır.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkətinin ilk qarışıq reallıq (AR + VR) cihazının unikal özəllikləri barə..

Bloomberg saytının məşhur insayderi Mark Gurman-ın sözlərinə əsasən Apple şirkəti öz ilk qarışıq rea..


Xiaomi-nin ilk elektromobilinin dizayn özəllikləri sərgilənib

Xiaomi şirkəti öz ilk elektromobili barəsində istənilən məlumatı hələ ki, sirr olaraq saxlayır...


OnePlus-ın ilk mexaniki klaviaturasının fotosu təqdim edilib

91mobiles saytı OnePlus şirkətinin ilk mexaniki klaviaturasının fotosunu əldə edib və onun barəsində..


Samsung iki istiqamətdə qatlana bilən yeni ekranını sərgiləyib

Samsung-un tərkibinə daxil olan Samsung Display şirkəti Flex In & Out adlı yeni qatlana bilən ek..


Apple HomePod 2 smart səsgücləndiricisini təqdim edib - QİYMƏTİ

Apple şirkəti HomePod adlı smart səsgücləndiricisinin ikinci versiyasını təqdim edib.


Tesla-nın 2016-cı ildəki avtopilot sistemi videosu tamamilə quraşdırılma imiş (V..

Tesla şirkəti 2016-cı ildə Model X elektromobili ilə bağlı reklam videosu təqdim etmişdi.

×