Apple A17 Pro prosessorunun istehsalı hansı qiymətə başa gəlir?
Elm & Texnologiya
17.10.2023
Emil Nəcəfov
Apple A17 Pro prosessoru bazarda 3 nanometrlik texnoloji proses əsasında hazırlanmış ilk prosessor oldu. İndi isə məlum olub ki, sözügedən prosessorun istehsalı Apple şirkətinə A16 Bionic-in istehsalından daha baha başa gəlir. Bununla belə onun istehsal xərci Qualcomm-un Snapdragon 8 Gen 2 prosessorunun istehsal xərcindən daha aşağıdır. Verilmiş məlumata əsasən bir ədəd A17 Pro-nun istehsalı Apple şirkətinə 130$-a başa gəlir.
Müqayisə üçün qeyd etmək lazımdır ki, iPhone 14 Pro modellərində, iPhone 15 və iPhone 15 Plus smartfonlarında istifadə edilən A16 Bionic prosessorunun istehsal xərci 110$ təşkil edir. Yəni A17 Pro prosessorunun istehsal qiyməti A16 Bionic prosessorunun istehsal qiymətindən 15% yüksəkdir. Maraqlısı ondadır ki, Qualcomm-un Snapdragon 8 Gen 2 prosessoru smartfon istehsalçılarına daha baha başa gəlir. Belə ki, bir ədəd Snapdragon 8 Gen 2-nin istehsalının qiyməti 160$ təşkil edir.
Yəni Snapdragon 8 Gen 2 prosessorunun istehsal qiyməti A17 Pro prosessorunun istehsal qiymətindən 23% daha bahadır. Son məlumatlara əsasən isə bu ayın sonunda təqdim olunacaq Snapdragon 8 Gen 3 prosessoru Snapdragon 8 Gen 2-dən daha baha başa gələcək. Bu isə smartfon istehsalçılarını çətin vəziyyətdə qoyur. Bu səbəbdən böyük ehtimal ilə yeni flaqman Android smartfonlar daha baha qiymətə satılacaq.
Linki kopyala
Bənzər xəbərlər
Oxşar xəbərlər
Apple iPhone-larda jailbreak ilə yeni mübarizə üsulunu hazırlayıb
Apple iPhone-larda jailbreak ilə yeni mübarizə üsulunu hazırlayıb
Bu və ya digər iPhone sisteminin sındırılması üçün nəzərdə tutulmuş üsullar bir qayda olaraq daha köhnə iOS versiyaları ilə çalışırlar.
Goldman Sachs: 'Apple elektromobil hazırlamır. Apple Car pilotsuz avtomobillər üçün platforma olacaq'
Goldman Sachs: 'Apple elektromobil hazırlamır. Apple Car pilotsuz avtomobillər üçün platforma olacaq'
Goldman Sachs bankının analitikləri investorlara yeni hesabat təqdim ediblər.
Həftənin xəbərləri
