Apple Card servisi qadınların diskriminasiyasında günahlandırılıb

Apple Card servisi qadınların diskriminasiyasında günahlandırılıb

Texnologiya
11.11.2019 PAYLAŞIM

    Nyu Yorkun maliyyə xidmətləri üzrə departamenti Apple Card kartı üzrə təyin olunan kredit limitləri məsələsində qadınlara qarşı olan diskriminasiya şikayətləri səbəbilə Goldman Sachs investisiya bankını yoxlayacaq. Qeyd etmək lazımdır ki, Apple Card layihəsi Apple şirkəti ilə Goldman Sachs investisiya bankının birgə layihəsidir. Bu barədə Bloomberg saytı xəbər verib. Ruby proqramlaşdırma dilində yazılmış Ruby on Rails adlı framework-un yaradıcısı David Hansson və Apple şirkətinin həmtəsisçisi olmuş və 1987-ci ildə şirkətdən ayrılmış Steve Wozniak Apple Card servisindən şikayətləniblər.

    Hansson ilə Wozniak-ın həyat yoldaşları Apple Card üzrə öz kredit limitlərinin yoldaşlarından daha aşağı olması problemi ilə qarşılaşıblar. Halbu ki, onların hamısının kredit tarixçələri eynidir. “Apple Card çox seksist servisdir. Mən həyat yoldaşımla çoxdan bəri evliyəm və biz birlikdə vergiləri ödəyir və daşınmaz əmlak üzrə eyni hüquqlara sahibik. Lakin Apple Card-ın anlaşılmayan alqoritmi mənim həyat yoldaşımla müqayisədə mənə 20 dəfə daha çox kredit limiti təyin edir. Bu məsələ ilə bağlı şikayətlər bir nəticə vermədi” - deyə David Hansson bildirib. O həmçinin əlavə edib ki, onun həyat yoldaşı kredit üzrə bütün ödənişləri edən zaman Apple Card növbəti haqq-hesab vaxtına kimi ona yeni ödənişləri etməyə icazə vermir.


    Steve Wozniak isə bildirib ki, onun və həyat yoldaşının eyni bank hesablarının olmasına baxmayaraq həyat yoldaşından fərqli olaraq o, 10 dəfə daha yüksək kredit limitinə sahibdir. Nyu Yorkun maliyyə departamenti isə öz növbəsində bildirib ki, onlar Apple Card ilə Goldman Sachs-ı yoxlayacaqlar. Bank qeyd edib ki, bir ailənin üzvlərinin müxtəlif səviyyədə kredit limitləri ola bilər və bu, gender diskriminasiya ilə əlaqəli deyil. Apple şirkəti isə müştərilərin fərdi şikayətlərinə fikir bildirməkdən imtina edib. Bundan əlavə olaraq Hansson qeyd edib ki, bu məsələ ilə bağlı daha çox ictimai diqqəti cəlb edəndən sonra bank heç bir sənəd tələb etmədən onun həyat yoldaşının kredit limitini yüksəldib. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Acer yeni oyun notebook-larını təqdim etdi - Predator Helios ilə eynəksiz 3D oyu..

Acer 18 May tarixində baş tutan onlayn təqdimat mərasimində əsas oyun xətti olan Predator seriyasınd..


Apple şirkətinin qarışıq reallıq cihazı barəsində yeni məlumatlar verilib..

Hələ 2015-ci ildən internetdə Apple şirkətinin yeni məhsulu barəsində məlumatlar ortaya çıxır. ..


ABŞ-ın hərbi tibb işçiləri üçün süni zəka texnologiyalı AR cihaz hazırlanacaq..

ABŞ Müdafiə Nazirliyinin perspektivli tədqiqat layihələri üzrə idarəsi (DARPA) Raytheon BBN adlı şir..


Google Pixel 7 və 7 Pro smartfonlarını, Pixel Watch smart saatını və Pixel planş..

I/O 2022 konfransı çərçivəsində Google şirkəti Pixel 6a smartfonunu və naqilsiz Pixel Buds Pro qulaq..


Google xarici dili tərcümə edərək altyazı formatında istifadəçiyə ötürən yeni AR..

Google I/O 2022 konfransı artıq start götürüb və şirkət sözügedən konfrans çərçivəsində yeni innovat..


Daha bir dövrün sonu: Apple 7-ci nəsil iPod Touch-ın istehsalını dayandırdığını ..

Apple şirkəti iPod Touch playerinin istehsalını dayandırdığını elan edib. Beləliklə sözügedən player..

×