Apple öz cihazları üçün 7 yeni çip üzərində çalışır

     Apple öz cihazlarının aparat platformasında genişmiqyaslı yenilənməsi üzərində çalışır. iOS 18-in erkən versiyasının kodunda smartfonlar, noutbuklar, saatlar və rabitə modulları üçün nəzərdə tutulmuş 7 yeni Apple çipinin adı aşkar edilib. Çinin texnoloji mütəxəssisləri iOS 18-in test versiyasının kodunu təhlil edərək Bilibili platformasında bir video dərc ediblər. Həmin videoya əsasən, Apple aşağıdakı çipləri hazırlayır:

- A19 (kod adı: Tilos) - iPhone 17 Air modeli üçün əsas çip

- A19 Pro (Thera) - iPhone 17 Pro və Pro Max modelləri üçün daha güclü prosessor

- M5 (Hidra) - MacBook Pro 14 üçün yeni çip

- M5 Pro (Sotra) - MacBook Pro 16 üçün təkmilləşdirilmiş versiya

- Bora (T8320) - Apple Watch Series 11 üçün A18 arxitekturasına əsaslanan çip

- Proxima - Wi-Fi və Bluetooth-u birləşdirən rabitə modulu

- C2 - iPhone 17e modeli üçün C1 çipini əvəz edəcək ikinci nəsil 5G modem. Bu xüsusilə vacibdir, çünki Apple Qualcomm modemlərindən tamamilə imtina etməyə çalışır.

     Apple maksimal daxili müstəqillik kursunu davam etdirir və getdikcə daha çox komponenti şirkət daxilində hazırlamağa çalışır. Bu yanaşma cihazların daha yaxşı optimallaşdırılmasına, enerji səmərəliliyinin artırılmasına və üçüncü tərəf təchizatçılardan asılılığın azalmasına imkan verəcək. Gözlənilir ki, yeni çiplərlə təchiz olunmuş ilk cihazlar artıq bu payızda təqdim olunacaq - iPhone 17, yeni MacBook Pro modelləri və Apple Watch Series 11 ilə birlikdə. Proxima rabitə modulu və C2 modemi isə böyük ehtimalla 2026-cı ildə debüt edəcək.