Apple şirkəti Intel'in smartfonlar üçün modem istehsalı biznesini 1 milyard dollara aldı

Apple şirkəti Intel'in smartfonlar üçün modem istehsalı biznesini 1 milyard dollara aldı

26.07.2019 PAYLAŞIM

    Apple şirkəti Intel-in smartfonlar üçün nəzərdə tutulmuş modem istehsalı biznesini 1 milyard dollara alır. Tərəflər müqaviləni bu ilin sonuna kimi yekunlaşdırmağı planlaşdırırlar. Müqavilənin şərtlərinə əsasən Apple şirkəti Intel-in naqilsiz texnologiyaları və təchizatları üzrə 17.000-dən çox patentini əldə edəcək və şirkətin 2200 nəfər mühəndisi Apple şirkətinə keçəcək. Bu barədə Vc.ru saytı xəbər verib. Buna baxmayaraq Intel şirkəti modem biznesindən tam olaraq çıxmır.

    Belə ki, şirkət kompüterlər, IoT texnologiyalar və avtonom nəqliyyat vasitələri üçün modem istehsalını davam etdirəcək. Qeyd etmək lazımdır ki, Apple şirkəti 2017-ci ildən bəri Intel-dən modemləri alırdı. Belə ki, şirkətin Qualcomm ilə münasibətləri gərginləşdiyi üçün Intel şirkətinin seçilməsi qərarı alınmışdı. Bu sahədə Apple şirkəti Intel-in yeganə müştərisi idi. Apple isə həmin modemlərdən istifadə edərək iPhone smartfonlarının Verizon AT&T kimi mobil operatorlarının şəbəkələrinə qoşulmalarına şərait yaratmışdı.

    Bu ilin aprel ayında isə Apple ilə Qualcomm arasındakı münasibətlər qaydasına düşdü və Apple şirkəti bildirdi ki, o, növbəti 6 il ərzində smartfonlar üçün modemləri məhz Qualcomm-dan əldə edəcək. Bu xəbərdən sonra isə Intel şirkəti öz modem biznesinin bağlanması barəsində planını açıqlamışdı. Analitiklərin fikrincə bu müqavilə sayəsində Apple şirkəti öz smartfonları üçün modem istehsalı sahəsini qaydasına sala biləcək. Proqnozlara əsasən şirkət yaxın 3 il ərzində öz istehsalı olan modemlərə keçid etməlidir.



SİZƏ MARAQLI OLACAQ BİR NEÇƏ MƏLUMAT


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..