Apple Store-da iPhone-nun batareyasını dəyişən zaman batareya yandı

Belə ki, Sürixdəki Apple Store mağazasında iPhone 6s-in batareyasını dəyişən zaman o alışıb yanıb. Apple Store əməkdaşı batareyanı korpusdan ayırmaq istəyən zaman batareya yanıb. Bu barədə Phonearena saytı xəbər verib. Müştərilər həmin dəqiqədə panikaya düşüblər. Xilasedicilər Apple Store-da həmin hadisə zamanı olmuş 50-ə yaxın müştəri və işçini çıxardıblar. Həmçinin təcili yardım maşını da hadisə yerinə gəlib. Batareyanı dəyişmək istəyən Apple Store əməkdaşının əlləri ciddi olmayan yanıq izləri alıb. Onunla birlikdə əlavə olaraq 7 nəfər də birinci tibbi kömək alıblar.