Apple üçün 2 nanometrlik prosessor artıq gələn il istehsal edilə bilər
Elm & Texnologiya
16.01.2024
Emil
Digitimes saytının vermiş olduğu məlumata əsasən Apple şirkətinin gələcək cihazları üçün nəzərdə tutulmuş 2 nanometrlik prosessorların istehsalına artıq gələn il start verilə bilər. TSMC şirkətinin zavodlarında 2 nanometrlik prosessorların istehsalı üçün nəzərdə tutulmuş təchizatların ən tez bu ilin aprel ayında quraşdırılması gözlənilir. Qeyd etmək lazımdır ki, Apple TSMC-nın 3 nanometrlik prosessorundan istifadə edən ilk şirkət oldu. Belə ki, iPhone 15 Pro və iPhone 15 Pro Max smartfonlarında istifadə edilən A17 Pro prosessoru məhz TSMC şirkətinin 3 nanometrlik texnoloji prosesi əsasında istehsal edilir. Gözləntilərə əsasən TSMC-nın 2 nanometrlik prosessorları ilə də eyni hal yaşanacaq. Onların istehsalına start verildikdən müəyyən müddət sonra onlar Apple cihazlarına quraşdırılacaq.
Paylaş
Ən çox oxunanlar
Süni zəka əsaslı çat-botlar cinayətkarların alətlərinə çevrilirlər
