Apple və Google COVID-19-a yoluxmuş insanların təyin edilməsi sistemini yaradacaqlar

Apple və Google COVID-19-a yoluxmuş insanların təyin edilməsi sistemini yaradacaqlar

Texnologiya
11.04.2020 PAYLAŞIM

    Apple Google uzun illərdir ki, mobil əməliyyat sistemi, smartfon, musiqi servisləri və s kimi sahələrdə bir-biriləri rəqabət aparırlar. Lakin koronavirus pandemiyası bu iki şirkət arasındakı rəqabəti qısa müddətlik dayandırıb. Belə ki, Apple və Google koronavirusun yayılmasının dayandırılması üçün kontaktların izlənməsi yolunda birgə yaradılmış sistemi təqdim ediblər. Bu barədə 4pda saytı xəbər verib. Qeyd etmək lazımdır ki, bütün dünya üzrə COVID-19 virusuna yoluxanların sayı artıq 1 milyonu keçib. Bu göstəricinin yarısı təkcə ABŞ-da qeydə alınıb. Buna görə də heç təəccüblü deyil ki, Apple və Google virusla mübarizə yolunda güclərini birləşdiriblər.


    Bu iki böyük tenxolojii şirkətin birləşməsi öz növbəsində koronavirus yayılmasının izlənməsi sistemini ərsəyə gətirəcək. Şirkətlər may ayının ortasında iOS Android əməliyyat sistemləri üçün xüsusi API-ları təqdim etməyi planlaşdırırlar. Bu API-lar isə COVID-19 daşıyıcısının kimlərlə ünsiyyətdə olduğunu təyin etməyə yardımçı olacaqlar. Sözügedən məlumatları səhiyyə təşkilatlarının App StoreGoogle Play mağazalarında olan rəsmi tətbiqləri əldə edəcəklər. Lakin bu, müvəqqəti tədbirdir. Belə ki, bir neçə aydan sonra kontaktların izlənməsi texnologiyası sistem səviyyəsində reallaşdırılacaq və bütün Android və iOS cihazlarında istifadə ediləcək.

    İnsanlar arasındakı əlaqənin təyin edilməsi Bluetooth texnologiyası vasitəsilə reallaşdırılacaq. GPS və mobil operatorların məlumatlarının istifadəsini tələb edən digər üsullardan fərqli olaraq Bluetooth-dan istifadə variantında istifadəçinin yerini təyin etmək mümkün deyil. Bu isə öz növbəsində istifadəçinin konfidensiallığını qoruyub saxlayır. Əsas vacib məqam ondadır ki, koronavirusa yoluxma aşkarlandığı halda istifadəçi bu barədə məlumatı səhiyyə təşkilatlarının tətbiqlərində qeyd etməlidir. Daha sonra isə istifadəçilər xəbər tutacaqlar ki, onlar da virusa yoluxmuş şəxslə ünsiyyətdə olublar.

    Smartfonlar öz aralarında sözügedən məlumatların mübadiləsini 5 dəqiqəlik intervalla edə biləcəklər. Konfidensiallığın qorunması üçün Apple və Google qərar veriblər ki, Bluetooth vasitəsilə hər 15 dəqiqə yenilənn xüsusi anonim açar göndərilsin. Bu üsul ilə məlumatların ötürülməsi zamanı istifadəçinin kimliyini təyin etmək mümkün olmayacaq. Bundan əlavə olaraq COVID-19-a yoluxmuş şəxslərin smartfonlarını əks etdirən mərkəzləşdirilmiş siyahı da olmayacaq. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Yeni Snapdragon 8 Gen 1 flaqman mobil prosessoru təqdim olunub

Baş vermiş çoxlu sayda məlumat sızıntısından sonra Qualcomm şirkəti sonunda özünün yeni flaqman pros..


Çindən olan kriptovalyuta maynerləri Qazaxıstanda elektrik enerjisi kəsintilərin..

2021-ci ilin əvvəlindən başlayaraq Çin hökuməti Çində kriptovalyuta mayninqi ilə mübarizə aparmağa b..


Alimlər öz kopyalarını istehsal edə bilən və PacMan-a bənzəyən bioloji ksenobotl..

Beynəlxalq alimlər komandası mikroskopik ölçüdə olan canlı orqanizmlər yarada biliblər. Yaradılmış o..


Apple bəzi cihazları üçün nəzərdə tutulmuş naqilsiz şarj stansiyasını təqdim edə..

Bloomberg saytının verdiyi məlumata əsasən Apple şirkəti AirPower adlı naqilsiz şarj stansiyasından ..


Apple şirkətinin ilk AR cihazı nə zaman təqdim olunacaq və nə zaman satışa çıxac..

İlk Apple Watch modelinin satışa çıxmasından 6 il sonra Apple şirkəti özü üçün yeni olan bazara daxi..


Cənubi Koreyanın uşaq bağçalarında uşaqların tərbiyələri ilə smart robotlar məşğ..

Cənubi Koreyanın paytaxtı Seulda yerləşən uşaq bağçalarında robotlar təhsil bələdçiləri rolunda da ç..

×