'Apple', yeni iPad Pro modelini təqdim etdi

'Apple', yeni iPad Pro modelini təqdim etdi

Texnologiya
06.06.2017 PAYLAŞIM

Yenilənmiş iMac və MacBook modellərindən başqa “Apple” şirkəti, WWDC 2017 tədbiri çərçivəsində yeni model iPad Pro-nu da təqdim etdi.

Yeni iPad Pro modelində ekran ölçüsünü 20% artıraraq şirkət, 10.5 inç-lik iPad Pro-nu əldə edib. Buna görə də mühəndislər yeni iPad Pro modelinin xarici görünüşündə bəzi dəyişikliklər ediblər. Belə ki, yeni iPad Pro-nun kənar çərçivələri daha nazik olub. Bununla belə cihazın çəkisi 450 qramm təşkil edir. Ekran ölçüsünün böyüdülməsi, tam həcmli klaviaturanın ekranda əks olunmasına və ayrıca klaviaturanın iPad-a qoşulmasına imkan verir. Yeni iPad Pro-nun ekranı, HDR video dəstəkli True Tone texnologiyası ilə çalışır. Bundan əlavə olaraq yeni iPad Pro-nun ekranı, ProMotion texnologiyasını da dəstəkləyir. Bu texnologiya 120 GHz tezlikli ekranın yenilənməsini təmin edir. Bunun sayəsində 10.5 inç-lik ekranda təsvirlər daha hamar görünür və Apple Pencil-dən istifadə zamanı yaşanan gecikmə cəmi 20 millisaniyə çəkir.


Təkmilləşdirilmiş ekrandan əlavə olaraq yeni iPad Pro modelində şirkətin ən güclü prosessoru A10X Fusion yer alır. Beləliklə mərkəzi prosessorun performansı 30%, qrafik prosessorun performansı isə 40% artıb. Texniki performans göstəricisinin artırılmasına baxmayaraq, 10 saatlıq avtonom rejimdə çalışmaq nəticəsi olduğu kimi qalıb. Qeyd etmək lazımdır ki, yeni iPad Pro, sürətli enerji yığma funksiyasını da dəstəkləyir. Planşetin kameraları iPhone 7-də olduğu kimidir. 4K videoçəkiliş, genişləndirilmiş rəng palitrası, optik stabilizasiya sistemli 12 MP-lik arxa kamera və genişləndirilmiş rəng palitrası, təsvirin avtomatik stabilizasiyası, ekran vasitəsilə işıqlandırma sistemli 7  MP-lik ön kamera. Yeni iPad Pro-nu artıq ön sifariş etmək olar. O, gələn həftə satışa çıxacaq. 64 GB-lıq daxili yaddaşa sahib model, 649$-a, 256 GB-lıq daxili yaddaşa sahib model, 749$-a, 512 GB-lıq daxili yaddaşa sahib model isə 949$-a satılacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkəti VR cihaz üzərində çalışır: Bu VR cihaz nə zaman təqdim oluna bilər..

Apple öz VR cihazı vasitəsilə Facebook-un Oculus, Sony-nin Playstation VR və HTC-nin VR cihazları il..


SpaceX şirkəti 2 ədəd neft buruğu alıb: Neft buruqları şirkətə hansı səbəbə görə..

Görünür, SpaceX şirkəti Starship kosmik gəmilərinin kosmosa start uçuşları üçün nəzərdə tutulmuş üzə..


Apple yenilənmiş Face ID texnologiyasının patentini əldə edib

ABŞ-ın patentlər üzrə təşkilatı Apple şirkətinin yeni patent sorğusu barəsində məlumat verib...


Dimensity 1200 və Dimensity 1100: MediaTek 5G dəstəkli 2 yeni mobil prosessoru t..

MediaTek şirkəti rəsmi olaraq 2 yeni mobil prosessoru təqdim edib. Söhbət, Dimensity 1200 və Dimensi..


Elektromobillər üçün sürətli şarj texnologiyasına sahib yeni növ litium-ion bata..

İsrailin StoreDot adlı startapı elektromobillər üçün nəzərdə tutulmuş yeni növ litium-ion batareyası..


Qualcomm büdcəli flaqman smartfonlar üçün 8 nüvəli Snapdragon 870 prosessorunu t..

Qualcomm şirkəti heç gözlənilmədən Snapdragon 870 adlı yeni mobil prosessoru təqdim edib.

×