'Avtomobil istehsalçıları Tesla-nın proqram təminatının analoqunu yaratmaq gücünə sahib deyillər'

'Avtomobil istehsalçıları Tesla-nın proqram təminatının analoqunu yaratmaq gücünə sahib deyillər'

Texnologiya
29.04.2020 PAYLAŞIM

    Məlumata əsasən Volkswagen şirkətinin rəhbəri olan Herbert Diess, Tesla şirkətinin yüksək bazar dəyərindən və onun elektromobil sahəsində lider mövqe tutmasından narahatdır. Onun fikrincə bunun əsas səbəbi Tesla şirkətinin yüksək keyfiyyətli proqram təminatı hazırlamasındadır. Lakin heç bir digər böyük avtomobil istehsalçısı Tesla-nın proqram təminatının analoqunu yaratmaq gücünə sahib deyil.

Tesla-nın artıq satılmış 500.000 elektromobili vahid neyron şəbəkə kimi çalışaraq şirkətin avtomobil süni zəkası sahəsindəki digər rəqiblərini gündən-günə daha da geridə qoyur.

    Bu barədə Electrek saytı xəbər verib. Qeyd etmək lazımdır ki, Volkswagen şirkətinin rəhbəri Herbert Diess dəfələrlə Tesla şirkətini elektromobil sahəsinin lideri adlandırıb. Bu ilin yanvar ayında o qeyd etmişdi ki, müəyyən vaxtdan sonra Volkswagen şirkəti Tesla-nın səvyyəsinə çata biləcək. Lakin indi o özünə daha sadə məqsəd təyin edib. Belə ki, onun istəyi Tesla-dan sonra ikinci olmaqdır. Məlumata əsasən Herbert Diess, Tesla-nın proqram təminatı barəsindəki fikrini dəyişməyib. O etiraf edib ki, Tesla-nın proqram təminatı həm Volkswagen-in həm də digər avtomobil istehsalçılarının proqram təminatlarını gedirə qoyur.


    Məlumatda qeyd edilib ki, Herbert Diess, Wolkswagen şirkətinin bazar dəyərinin Tesla-dan 2 dəfə aşağı olması barəsində narahatdır. “Bizim Porsche, Audi, Volkswagen, Bentley və s. kimi bahalı brendlərimiz olduğu halda vəziyyət belədir” - deyə o qeyd edib. Bundan əlavə olaraq Diess qeyd edib ki, Tesla-nın fərdi proqram təminatı hazırlama üsulu müştərilərin ürəyincədir.

Belə ki, Tesla-nın proqram təminatı elektromobili telefon ilə idarəyə və elektromobil daxilində böyük ekran vasitəsilə istifadəçi təcrübəsinin yaradılmasına əsaslanır.

    Lakin Volkswagen rəhbərini ən çox narahat edən faktor isə Tesla şirkətinin öz proqram təminatından necə istifadə etməsidir. “Hər dəfə lazımi məlumatları yığmaqla və hər 2 həftədən bir müəyyən yeniliklər ilə sürücüyə yeni istifadəçi təcrübəsini qazandırmaqla Tesla-nın 500.000 elektromobili vahid neyron şəbəkə şəklində çalışır. Günümüzdə digər avtomobil istehsalçılarından heç biri buna qadir deyil” - deyə Herbert Deiss qeyd edib.

    Həqiqətən də Tesla şirkətinin avtopilot sistemi yaratma üsulu pilotsuz avtomobillərin istehsalı ilə məşğul olan digər istehsalçıların üsullarından fərqlənir. Belə ki, şirkət öz alqoritmini təkcə simulyasiyalardan və test yürüşlərindən əldə olunmuş məlumatlarla təchiz etmir. Bunun yerinə satılmış bütün Tesla elektromobilləri dayanmadan hər gün alqoritmi çoxlu sayda müxtəlif məlumatlarla təmin edirlər.

    Lakin Diess bu məsələ ilə bağlı ümidini itirmir. Hal hazırda onun komandası tamamilə yeni proqram təminatı üzərində çalışır. Buna baxmayaraq analitiklər 2030-cu ilə kimi elektromobil sahəsində hansı şirkətin lider olacağına şübhə etmirlər. Wood Mackenzie şirkətinin proqnozlarına əsasən artıq 2028-ci ilə kimi Volkswagen şirkəti 14 milyon elektromobili satışa çıxardaraq sözügedən sahənin ən yüksək pilləsində qərarlaşacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Yeni Snapdragon 8 Gen 1 flaqman mobil prosessoru təqdim olunub

Baş vermiş çoxlu sayda məlumat sızıntısından sonra Qualcomm şirkəti sonunda özünün yeni flaqman pros..


Çindən olan kriptovalyuta maynerləri Qazaxıstanda elektrik enerjisi kəsintilərin..

2021-ci ilin əvvəlindən başlayaraq Çin hökuməti Çində kriptovalyuta mayninqi ilə mübarizə aparmağa b..


Alimlər öz kopyalarını istehsal edə bilən və PacMan-a bənzəyən bioloji ksenobotl..

Beynəlxalq alimlər komandası mikroskopik ölçüdə olan canlı orqanizmlər yarada biliblər. Yaradılmış o..


Apple bəzi cihazları üçün nəzərdə tutulmuş naqilsiz şarj stansiyasını təqdim edə..

Bloomberg saytının verdiyi məlumata əsasən Apple şirkəti AirPower adlı naqilsiz şarj stansiyasından ..


Apple şirkətinin ilk AR cihazı nə zaman təqdim olunacaq və nə zaman satışa çıxac..

İlk Apple Watch modelinin satışa çıxmasından 6 il sonra Apple şirkəti özü üçün yeni olan bazara daxi..


Cənubi Koreyanın uşaq bağçalarında uşaqların tərbiyələri ilə smart robotlar məşğ..

Cənubi Koreyanın paytaxtı Seulda yerləşən uşaq bağçalarında robotlar təhsil bələdçiləri rolunda da ç..

×