Bakıda “Rəqəmsal Bankçılıq və Təhlükəsizlik” mövzulu Beynəlxlaq Bankçılıq Sərgi Konfransı keçiriləcəkdir

Bakıda “Rəqəmsal Bankçılıq və Təhlükəsizlik” mövzulu Beynəlxlaq Bankçılıq Sərgi Konfransı keçiriləcəkdir

14.03.2018 PAYLAŞIM

    Bu ilin 17-18 aprel tarixlərində Bakıda MDB və regional bankların iştirakı ilə “Rəqəmsal Bankçılıq və Təhlükəsizlik” mövzulu Beynəlxlaq Bankçılıq Sərgi Konfransı keçiriləcəkdir. Tədbir Türkiyənin bank innovasiyaları üzrə lideri Denizbank (Sberbank), VİSA, Intertech (Sberbank) və dünyanın nüfuzlu kibertəhlükəsizlik və anti-virus şirkətlərindən biri hesab olunan “Kasperski Laboratoriyası” şirkətlərinin dəstəyi və FA International Trade Events (www.futureadvantage.events) şirkətinin təşkilatçılığı ilə keçirilir.    

    Sərgi-Konfrans Azərbaycan Respublikasında maliyyə xidmətlərinin inkişafına dair Strateji Yol Xəritəsinin tədbirlər planına istinad olaraq Bankların rəqəmsal transformasiyasının sürətləndirilməsi üçün tənzimləmə mexanizminin təkmilləşdirilməsi istiqamətində görüləcək işlərin bir hissəsidir. Maliyyə sektoru və ölkə iqtisadiyyatı xarici innovativ bankların, maliyyə texnologiya şirkətlərinin qlobal “nou-hau”, xüsusən də məlumatların emalı, təkmil risk idarəetməsi və məhsul çeşidi sahəsində qabaqcıl təcrübələrdən faydalanacaqdır.


    Tədbirdə Azərbaycan bank və maliyyə qurumlarının rəhbərləri ilə yanaşı Gürcüstan, Rusiya, Qazaxıstan və Qırğızıstan mərkəzi banklarının nümayəndələrinin və MDB və Avropa ölkələrinin banklarının rəhbər heyətinin iştirakı gözlənilir. Azərbaycanın bank sistemində bu istiqamətdə həyata keçirilmiş tədbirlər, cari vəziyyət, yerli bank və maliyyə qurumlarının rəhbərləri tərəfindən geniş müzakirə olunacaqdır. Konfransda rəqəmsal bankçılıq ona keçid və gələcək imkanları haqda Denizbank(Sberbank), İBM, TEB-BNP Paribas (Türkiyə Ekonomi Bankası), UBİQ innovations, KüveytTürk və başqa bankların məsul şəxslərinin çıxışları olacaqdır.

    Kibertəhlükəsizlik, internet və mobil bankçılıq təhlükəsizliyi, ATM təhlükəsizliyi sahəsində müasir tədbirləri barədə ORACLE maliyyə xidmətləri, Microsoft, Paypal, İntertech (Sberbank), KOD-A, Fit Solutions, Kasperski Labaratoriyaları və b. şirkətlərindən olan spikerlər çıxış edəcəkdir. Çıxışlar dəyirmi masa müzakirələri və iştirakçıların suallarına cavablar şəklində tamamlanacaqdır. Həmçinin maliyyə texnoloji avadanlıqların, proqram təminatlarının, bank avtomatlaşdırma sistemlərinin nümayiş sərgisi olacaqdır. Müasir ödəmə və identifikasiya vasitələri, biometrik ATM ilə yanaşı Unionpay, AliPAY(ALİBABA), VİSA, Mastercard kimi maliyyə xidmətləri şirkətlərinin yeni innovativ təqdimatları gözlənilir.

    Belə bir regional maliyyə tədbirinin məhz Azərbaycanda keçirilməsi qeyri-neft sektorunda həyata keçirilən uğurlu islahatların nəticəsidir. Maliyyə sektorunun beynəlxalq təcrübəyə uyğunlaşdırılması Azərbaycanı regionun maliyyə mərkəzinə çevirəcək strategiyanı mümkün edir.

     Tədbir barədə ətraflı məlumatı www.dbs-conference.org saytından ala bilərsiniz.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Redmi Note 8 Pro'nun qiyməti təqdimatdan öncə məlum oldu

Redmi Note 8 Pro smartfon modelinin təqdimatına çox az zaman qalmış onun barəsində demək olar ki, hə..


Redmi brendi artıq K20 smartfon modelinin davamçısı üzərində çalışır

May ayında Xiaomi şirkətinin Redmi brendi Redmi K20 smartfon seriyasını təqdim etmişdi.


Azercell 'Rəqəmsal Dünya Bölgələrdə' layihəsi çərçivəsində uşaqları və məcburi k..

Azercell Telekom “Rəqəmsal Dünya Bölgələrdə” şüarı altında iyul ayından başlayaraq ölkənin şəhər bə ..


Mercedes-Benz şirkəti öz alıcılarını izlədiyini etiraf edib

Smartfon istifadəçiləri artıq təəccüblənmirlər ki, həmin smartfonlr onların yerləşdikləri yerləri iz..


Onlayn sağlamlıq proqramları və məşqlər üçün yeni yerli tətbiq təqdim olundu - F..

Tətbiqin ən əsas üstünlüyü ondan ibarətdir ki, bu proqramlar sizə təsadüfi və kor təbii şəkildə təqd..


ABŞ'ın Huawei şirkətinə təqdim etmiş olduğu lisenziya daha 3 aylıq uzadılacaq..

ABŞ-ın ticarət nazirliyi Huawei şirkətinə qarşı təyin edilmiş sanksiyaların daha 3 ay təxirə salınma..

×