Logo
    main-post-cover

    Beynəlxalq Kosmik Stansiyada təsadüfən qalmış iki astronavt 9 aydan sonra Yerə geri dönürlər

    Elm & Texnologiya
    18.03.2025
    Emil
         SpaceX şirkətinə məxsus Crew Dragon kosmik gəmisi dörd nəfərlik ekipaj ilə Beynəlxalq Kosmik Stansiyadan (BKS) uğurla ayrılıb və Yerə dönüş istiqamətinə çıxıb. Bu barədə Roskosmos dövlət korporasiyasının Telegram kanalında məlumat yayılıb. "Bu gün Crew-9 missiyasının ekipajı ilə birlikdə Crew Dragon pilotlu kosmik gəmisi Beynəlxalq Kosmik Stansiyanı tərk etdi. Gəminin Florida ştatının sahillərində suya enməsi 19 mart tarixində tutacaq" - deyə Roskosmos-un məlumatında bildirilib. Crew Dragon NASA-ya məxsus astronavtlar Nick Hague, Sunita Williams, Butch Wilmore və Roskosmos kosmonavtı Aleksandr Gorbunov-u Yerə geri qaytaracaq.
         Hague və Gorbunov ötən ilin sentyabr ayından etibarən orbital stansiyada idilər. Sunita Williams və Butch Wilmore isə ötən ilin iyun ayının əvvəlində Boeing Starliner kosmik gəmisi ilə Beynəlxalq Kosmik Stansiyaya çatmışdılar. Əvvəlcə onların missiyasının cəmi bir neçə gün davam edəcəyi və sonra Yerə qayıdacaqları planlaşdırılmışdı. Lakin uçuş zamanı Starliner gəmisində texniki problemlər aşkarlandı. Nəticədə, astronavtların bu gəmi ilə geri qaytarılmasının çox riskli olduğu qərara alındı. Buna görə də, Williams və Wilmore, BKS-də 9 ay qalmağa məcbur oldular və NASA-nın onları Yerə təhlükəsiz şəkildə qaytara biləcəyi anı gözlədilər. 
    Paylaş
    Bənzər xəbərlər
    marsda-qedim-mikrob-heyatina-dair-inandirici-subutlar-elde-edilib
    Elm & Texnologiya

    Marsda qədim mikrob həyatına dair inandırıcı sübutlar əldə edilib

    Bir neçə gün bundan öncə NASA nümayəndələri Marsda qədim mikrob həyatının ən inandırıcı izlərinin aşkar edildiyi barədə hesabat təqdim ediblər. Mars səthində fəaliyyət göstərən Perseverance aparatının əldə etmiş olduğu nümunələri yerində ətraflı analiz etmək üçün avadanlığa malik deyil, buna görə də bu tapıntılar yalnız ilkin nəticələr hesab olunur.
    elon-musk-gelen-il-tesla-optimus-robotunu-starship-ile-marsa-gondermeyi-soz-verib
    Elm & Texnologiya

    Elon Musk gələn il Tesla Optimus robotunu Starship ilə Marsa göndərməyi söz verib

    Nəhəng Starship raketi gələn ilin sonuna qədər Marsa yola düşəcək. Bunu SpaceX şirkətinin rəhbəri Elon Musk özünün X sosial şəbəkəsində elan edib.
    yerde-en-cox-rast-gelinen-minerallardan-biri-marsda-askar-edilib
    Elm & Texnologiya

    Yerdə ən çox rast gəlinən minerallardan biri Marsda aşkar edilib

    Alimlər NASA-nın Perseverance aparatı tərəfindən toplanmış məlumatları təhlil edərək Marsda ilk dəfə olaraq saf kvars kristallarının aşkar edildiyini müəyyən ediblər.
    kainatin-gorunmeyen-tereflerini-gosterecek-spherex-teleskopu-kosmosa-gonderilib-video
    Elm & Texnologiya

    Kainatın görünməyən tərəflərini göstərəcək SPHEREx teleskopu kosmosa göndərilib (VİDEO)

    Bu gün səhər saatlarında Falcon 9 daşıyıcı raketi NASA-nın ən yeni kosmik teleskopu SPHEREx və PUNCH Günəş aparatını orbitə çıxardı. SPHEREx teleskopu bizə indiyə qədər heç vaxt görmədiyimiz şəkildə kainatı göstərməli və yüz milyonlarla qalaktikanın xəritəsini yaratmalıdır.
    nasa-beynelxalq-kosmik-stansiyada-tesadufen-qalmis-iki-astronavtin-geri-qaytarilmasi-tarixini-teyin-edib
    Elm & Texnologiya

    NASA, Beynəlxalq Kosmik Stansiyada təsadüfən qalmış iki astronavtın geri qaytarılması tarixini təyin edib

    NASA, təsadüfən Beynəlxalq Kosmik Stansiyada (BKS) ilişib qalan iki astronavtın geri qaytarılması tarixini müəyyənləşdirib. Onlar əslində 10 günlük bir missiya üçün göndərilmişdilər, lakin artıq 9 aydır ki, orada qalıblar.