Logo
    main-post-cover

    Beynəlxalq Kosmik Stansiyada təsadüfən qalmış iki astronavt uğurla Yerə qayıdıb

    Elm & Texnologiya
    19.03.2025
    Emil
         Sunita Williams Butch Wilmore, Beynəlxalq Kosmik Stansiyada (BKS) 9 ay müddətində qaldıqdan sonra uğurlu şəkildə Yerə qayıdıblar. Onların bu missiyası əvvəlcədən planlaşdırılandan xeyli uzun çəkib, çünki onları BKS-a aparmış Boeing Starliner kosmik gəmisində sızmalar və mühərrik problemləri yaranmışdı. Williams və Wilmore çərşənbə axşamı, SpaceX Dragon kapsulu ilə Meksika körfəzinə eniblər. Onların BKS-dən Yerə qayıtması 17 saat davam edib. Bu geri dönüş, son illərin kosmik uçuş tarixində ən qeyri-adi hadisələrindən birinin yekunu hesab olunur. Boeing Starliner-in qarşılaşdığı texniki problemlər və eyni zamanda SpaceX-in baş direktoru Elon Musk-ın astronavtların qayıdışını siyasi kontekstdə təqdim etməsi, bu hadisəni daha da diqqətçəkən edib.
         Williams və Wilmore, 2024-cü ilin iyununda BKS-ya yola düşmüşdülər. Bu missiya, Boeing-in SpaceX ilə rəqabət aparmaq cəhdində mühüm rol oynayırdı. Boeing və SpaceX, 2014-cü ildə NASA ilə müqavilə bağlayaraq astronavtları BKS-ya və daha sonra Günəş sisteminin dərinliklərinə daşımaq üçün vəzifələndirilmişdilər. SpaceX, Crew Dragon kosmik gəmisi ilə ilk insanlı uçuşunu 2020-ci ildə, COVID pandemiyasının ilk mərhələsində həyata keçirdi. Boeing-in Starliner layihəsi isə büdcə artıqları və təxirə salınmalar səbəbindən ləngiyirdi. 2024-cü ilin iyunundakı uçuş Boeing-in bu problemləri geridə qoymasına kömək etmək üçün nəzərdə tutulmuşdu. Missiyanın məqsədi Williams və Wilmore-u BKS-ya göndərmək və qısa müddət sonra geri qaytarmaq idi.
         Lakin Starliner daha BKS-ya birləşmədən texniki problemlərlə qarşılaşdı. Astronavtlar nəhayət stansiyaya çatdıqdan sonra NASA və Boeing bir neçə həftə testlər apardı və nəticədə Starliner-i astronavtsız geri qaytarmaq qərarına gəldi. NASA dərhal Williams və Wilmore-un geri qaytarılması üçün SpaceX ilə plan hazırlamağa başladı. Bir sıra müzakirələrdən sonra astronavtların 2025-ci ilin əvvəllərində Yerə qaytarılmasına qərar verildi, çünki BKS-nın heyət çatışmazlığı yaşamaması vacib idi. Lakin son aylarda Elon Musk iddia edib ki, astronavtları daha tez geri gətirmək təklifi edib, lakin keçmiş prezident Joe Biden bu təklifi rədd edib. Musk bu iddialarına heç bir sübut təqdim etməyib və hesab edir ki, Biden-in bu qərarı Donald Trump-a siyasi üstünlük qazandırmamaq üçün verdiyi bir addım olub.
    Mənbə: Techcrunch
    Paylaş
    Bənzər xəbərlər
    beynelxalq-kosmik-stansiyada-tesadufen-qalmis-iki-astronavt-9-aydan-sonra-yere-geri-donurler
    Elm & Texnologiya

    Beynəlxalq Kosmik Stansiyada təsadüfən qalmış iki astronavt 9 aydan sonra Yerə geri dönürlər

    SpaceX şirkətinə məxsus Crew Dragon kosmik gəmisi dörd nəfərlik ekipaj ilə Beynəlxalq Kosmik Stansiyadan (BKS) uğurla ayrılıb və Yerə dönüş istiqamətinə çıxıb.
    marsda-qedim-mikrob-heyatina-dair-inandirici-subutlar-elde-edilib
    Elm & Texnologiya

    Marsda qədim mikrob həyatına dair inandırıcı sübutlar əldə edilib

    Bir neçə gün bundan öncə NASA nümayəndələri Marsda qədim mikrob həyatının ən inandırıcı izlərinin aşkar edildiyi barədə hesabat təqdim ediblər. Mars səthində fəaliyyət göstərən Perseverance aparatının əldə etmiş olduğu nümunələri yerində ətraflı analiz etmək üçün avadanlığa malik deyil, buna görə də bu tapıntılar yalnız ilkin nəticələr hesab olunur.
    elon-musk-gelen-il-tesla-optimus-robotunu-starship-ile-marsa-gondermeyi-soz-verib
    Elm & Texnologiya

    Elon Musk gələn il Tesla Optimus robotunu Starship ilə Marsa göndərməyi söz verib

    Nəhəng Starship raketi gələn ilin sonuna qədər Marsa yola düşəcək. Bunu SpaceX şirkətinin rəhbəri Elon Musk özünün X sosial şəbəkəsində elan edib.
    yerde-en-cox-rast-gelinen-minerallardan-biri-marsda-askar-edilib
    Elm & Texnologiya

    Yerdə ən çox rast gəlinən minerallardan biri Marsda aşkar edilib

    Alimlər NASA-nın Perseverance aparatı tərəfindən toplanmış məlumatları təhlil edərək Marsda ilk dəfə olaraq saf kvars kristallarının aşkar edildiyini müəyyən ediblər.
    kainatin-gorunmeyen-tereflerini-gosterecek-spherex-teleskopu-kosmosa-gonderilib-video
    Elm & Texnologiya

    Kainatın görünməyən tərəflərini göstərəcək SPHEREx teleskopu kosmosa göndərilib (VİDEO)

    Bu gün səhər saatlarında Falcon 9 daşıyıcı raketi NASA-nın ən yeni kosmik teleskopu SPHEREx və PUNCH Günəş aparatını orbitə çıxardı. SPHEREx teleskopu bizə indiyə qədər heç vaxt görmədiyimiz şəkildə kainatı göstərməli və yüz milyonlarla qalaktikanın xəritəsini yaratmalıdır.