Bitcoinin qiyməti 111 000$-ı keçib

     Bitcoin yeni rekord müəyyənləşdirib. Bu gün o, tarixi maksimuma çataraq 111 861$-a yüksəlib, daha sonra isə bir qədər düzəliş edərək 111 368$ düşüb. Bir sutka ərzində artım 3.5% təşkil edib və bu sadəcə adi dalğalanma deyil, ciddi bir sıçrayışdır. İlin əvvəlində bitcoinin dəyəri müxtəlif səbəblərdən, əsasən də Trump administrasiyasının iqtisadi siyasəti fonunda 75 000$ dollara qədər düşmüşdü. Hazırda vəziyyət nisbətən sabitləşib. Böyük oyunçular yenidən bazara qayıdıb və aktiv şəkildə kriptovalyutaları alırlar. Bundan əlavə, ABŞ Senatında stablecoinlərə dair qanun layihəsinin irəliləməsi də bazar iştirakçılarına əlavə inam qazandırır.

     Bundan əlavə, bir çox investor bitcoin və digər kriptovalyutaları ənənəvi aktivlərə alternativ kimi qiymətləndirir, çünki, məsələn, fond bazarı qeyri-sabit vəziyyətdədir, dövlət istiqrazları isə artıq etibarlı və təhlükəsiz sərmayə vasitəsi kimi görünmür. Qeyd edək ki, yalnız bitcoin deyil, digər kriptovalyutalar da yüksəlir. Ethereum 4.5%, Solana isə 1.9% artım göstərib. Bəs bundan sonra nə olacaq? Analitiklər növbəti psixoloji hədd kimi 115 000$ səviyyəsinə baxırlar. Lakin hər şey bu qədər sadə deyil. Geosiyasi vəziyyət və ABŞ Federal Ehtiyat Sisteminin (FRS) siyasətində dəyişikliklər riskləri artırır.