Bloomberg saytı Apple şirkətinin qarışıq reallıq cihazı barəsində əlavə məlumatlar verib

Bloomberg saytı Apple şirkətinin qarışıq reallıq cihazı barəsində əlavə məlumatlar verib

Texnologiya
14.11.2022 PAYLAŞIM

    Apple şirkətinin ilk qarışıq reallıq (MR / Mixed Reality) cihazı barəsində məlumatlar artıq son bir neçə aydır ki, internetdə ortaya çıxır. Hələ bir neçə müddət bundan öncə məlumat ortaya çıxmışdı ki, Apple şirkəti öz qarışıq reallıq cihazının istehsalına gələn ilin mart ayında start verəcək və şirkətin direktorlar şurası sözügedən cihazı artıq test edib. İndi isə Bloomberg saytının jurnalisti Mark Gurman MR cihaz barəsində yeni məlumatları təqdim edib. Təqdim edilmiş məlumatlar arasında cihazın bəzi texniki özəllikləri və satış qiyməti əks olunub. Beləliklə Mark Gurman-ın sözlərinə əsasən Apple şirkətinin MR cihazı baha qiymətə satılacaq və bunun əsas səbəblərindən biri də cihazın yüksək performanslı texniki özəlliklərə sahib olacağıdır.

    Belə ki, cihaz Apple M2 prosessoru, yüksək piksel göstəricilərinə sahib ekranlar və minimum 10 ədəd kamera ilə təchiz olunacaq. Məlumatda həmçinin qeyd edilib ki, şirkət il ərzində 700 000-800 000 ədəd bu cür cihaz istehsal etməyi planlaşdırır. Yəni şirkətin MR cihazı böyük tirajlarla istehsal edilməyəcək. Az tirajda istehsal olunan məhsuldan gəlirin əldə edilməsi üçün isə hər bir cihazın qiyməti yüksək olmalıdır. Beləliklə MR cihazın qiymətinin 2000$-dan 3000$-a kimi təşkil edəcəyi gözlənilir.


    Cihaz realityOS adlı yeni əməliyyat sistemi əsasında çalışacaq və özündə Messages, FaceTime Maps tətbiqlərinin artırılmış reallıq üçün hazırlanmış versiyalarını birləşdirəcək. MR cihazın hansı adı əldə edəcəyi məlum deyil. Lakin məlum olan odur ki, şirkət Reality Pro Reality One adlı ticarət nişanlarını qeydiyyatdan keçirdib. Bununla yanaşı məlumatda qeyd edilib ki, Apple həmçinin artırılmış reallıq özəlliklərinə sahib 3D virtual dünya üzərində çalışır. Lakin Meta-dan fərqli olaraq Apple öz virtual dünyasını metakainat adlandırmır. Gözləntilərə əsasən Apple şirkətinin ilk MR cihazı gələn ilin birinci rübündə təqdim olunacaq.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Xiaomi-nin ilk stolüstü kompüterinin real fotoları ortaya çıxıb

Bir neçə gün bundan öncə məlum oldu ki, Xiaomi şirkəti öz ilk stolüstü kompüterini təqdim etməyə haz..


Huawei Watch Buds smart saatının yeni real fotoları ortaya çıxıb

Huawei şirkətinin təqdimata hazırlaşan Watch Buds smart saatının real fotoları ortaya çıxıb...


Son zamanlarda Starlink peyk internetinin sürəti aşağı düşməyə başlayıb..

İnternet sürətinin ölçülməsi üçün nəzərdə tutulmuş məşhur Speedtest servisinin yaradıcısı olan Ookla..


Huawei uşaqlar üçün iki ekranlı yeni smart saatını anons edib

Huawei şirkəti uşaqlar üçün nəzərdə tutulmuş qeyri-adi smart saatı anons edib. Sözügedən smart saatı..


Huawei şirkəti sabahkı təqdimat tədbirini təxirə salıb

Xiaomi-nin ardınca Huawei şirkəti də öz təqdimat tədbirini təxirə salıb. Qeyd etmək lazımdır ki, şir..

×